Pavodle vynikaŭ apieratyŭnaha manitorynhu, na 1 kastryčnika 2011 hoda ŭ krainie ažyćciaŭlajuć svaju dziejnaść 5.018 ramieśnikaŭ, što na čverć pieravyšaje anałahičny pakazčyk za adpaviedny pieryjad minułaha hoda (4.001).
Jak adznačyła
U Minekanomiki nahadali, što ŭkazam prezidenta № 225 ad 16 maja 2005 hoda vyznačany pieralik vidaŭ ramiesnaj dziejnaści, jakija fizičnyja asoby majuć prava ažyćciaŭlać pavodle zajaŭnaha pryncypu bieź dziaržrehistracyi ŭ jakaści indyvidualnych pradprymalnikaŭ. Dla pačatku ramiesnaj dziejnaści treba stać na ŭlik u padatkovym orhanie pa miescy žycharstva i vypłacić zbor u pamiery adnoj bazavaj vieličyni na hod. Ramieśniki nie vypłačvajuć padachodny padatak i adziny padatak ź indyvidualnych pradprymalnikaŭ i inšych fizičnych asob, a taksama nie viaduć dziaržaŭnuju statystyčnuju spravazdačnaść.
Na 1 listapada 2005 hoda kolkaść asob, jakija vypłacili zbor za ažyćciaŭleńnie ramiesnaj dziejnaści, składała 234 čałavieki, u 2007 hodzie zbor vypłacili 1.644 fizičnyja asoby, u 2008 hodzie — 2.385, u 2009 hodzie — 3.395, u 2010 hodzie — 4.319 čałaviek.
