Jeŭrazijski bank raźvićcia vitaje kroki ŭładaŭ Biełarusi pa pavyšeńni niezaležnaści Nacyjanalnaha banka krainy. Pra heta zajaviŭ 31 kastryčnika žurnalistam u Ałmaty kirujučy dyrektar Jeŭrazijskaha banka raźvićcia (JEABR) pa zabieśpiačeńni dziejnaści Antykryzisnaha fondu Siarhiej Šatałaŭ.
«My ličym pravilnymi tyja zachady, jakija byli zrobleny ŭ płanie pavyšeńnia niezaležnaści Nacbanka, pieradaču ad Nacbanka nieŭłaścivych jamu vidaŭ ekanamičnaj dziejnaści i aktyvaŭ. Tamu što ŭ luboj krainie centralny bank nie pavinien vieści haspadarčuju dziejnaść», — zajaviŭ jon.
Šatałaŭ dadaŭ, što ŭ Biełarusi «šmat zroblena dla ŭmacavańnia niezaležnaści Nacbanka». «Heta dazvolić jamu ažyćciaŭlać niezaležnuju, efiektyŭnuju, adkaznuju
Jon taksama padkreśliŭ, što JEABR ličyć «klučavym dasiahnieńniem urada ŭnifikacyju valutnych kursaŭ, jakaja adbyłasia 20 kastryčnika».
U toj ža čas, pavodle słoŭ Šatałava, niespakoj JEABR pierš za ŭsio vyklikaje pašyreńnie razryvu pamiž naminalnymi pracentnymi staŭkami (jak staŭkaj refinansavańnia, tak i staŭkami aviernajt) i prahnazavanym uzroŭniem inflacyi. «Heta aznačaje, što zdolnaść ekanomiki vychodzić na ŭstojlivaje raźvićcio nie pavialičvajecca», — padkreśliŭ jon.
JEABR zaniepakojeny i praciaham značnaha abjomu kredytavańnia ekanomiki. «Niekatoryja kanały byli pierakryty, ale pa inšych kanałach kredytavańnie praciahvajecca», — skazaŭ Šatałaŭ. Jon padkreśliŭ, što hetaje pytańnie budzie abmiarkoŭvacca pierad vydzialeńniem treciaha tranšu kredytu.
