U hulni z «Miłanam» u Minsku (1 listapada, 20:00) BATE važnaja padtrymka stadyjona. Tym bolš što BATE vinny zaŭziataram paśla matču z «Barsiełonaj». Taki punkt hledžańnia 31 kastryčnika, napiaredadni matču ź italjanskim kłubam, vykazaŭ hałoŭny trenier BATE Viktar Hančarenka na
«U hulni z „Miłanam“ my pavinny być vielmi dziorzkimi. Nieabchodna chałodnaja hałava ŭ abaronie i dziorzkaść u atacy. Z „Barsiełonaj“ my hulali kiepska, na vyjeździe z „Miłanam“ — lepš, ciapier, spadziajusia, budzie jašče lepš. My ŭ daŭhu pierad balelščykami», — skazaŭ Hančarenka.
Pavodle jaho słoŭ, kali b losavańnie kamand pa hrupach pravodziłasia jašče adzin raz,
Hančarenka byŭ by «dźviuma rukami za toje, kab „Barsiełona“ i „Miłan“ byli ŭ našaj hrupie».
«Ciapier, kali my bolš padrabiazna ŭhłybilisia ŭ analiz hetych kamand, to znajšli masu cikavaha i ŭ „Barsiełony“ — technična pastaŭlenaja hulnia, šmat karysnaha — i ŭ kamandy „Miłana“. My pavinny ŭziać usio lepšaje i vykarystać», — adznačyŭ Hančarenka.
Paŭabaronca BATE Dźmitryj Baha ŭ svaju čarhu padkreśliŭ, što, na jaho dumku, u Lizie čempijonaŭ niama słabych hrup.
«Lubaja hrupa dla nas była b vydatnaja, a hetaja hrupa — naohuł fantastyčnaja, zhulać z takimi sapiernikami vielmi zdorava. Zrazumieła, što ŭ kožnaj hulni chočacca pieramahać, ale my realna hladzim na rečy. Ščaście dla Biełarusi, što pryjazdžajuć takija kamandy», — skazaŭ Baha.
Hulec adznačyŭ, što ŭ matčy z «Barsiełonaj» BATE moh by zhulać i bolš ahresiŭna. «Ale hulnia projdziena, treba rabić vysnovy. My raźbirali hetuju hulniu, ja viedaju, dzie ja nie mieŭ racyi. Ale hulnia prajšła, treba ruchacca napierad. Budziem staracca vypraŭlać pamyłki», — zajaviŭ paŭabaronca BATE.
