Na minułym tydni ŭ Hrodzienskim dziaržaŭnym univiersitecie adbyłosia pasiadžeńnie kamisii, jakaja razhladała zajavu aśpirantki Taćciany Kasataj. Vyrašałasia pytańnie ź jaje nieatestacyjaj. Kamisija paličyła, što pretenzii Valeryja Čarapicy, navukovaha kiraŭnika, byli abhruntavanymi. I značyć, što
Taćciana pa-raniejšamu zastajecca nieatestavanaj za druhi hod navučańnia ŭ aśpirantury. A heta padstava, kab adličyć jaje z navučalnaj ustanovy.
Pa słovach Kasataj, jana pradstaviła ŭ kamisiju vodhuki historykaŭ z Akademii navuk Biełarusi, z Varšaŭskaha, Viciebskaha, Hrodzienskaha ŭniviersitetaŭ na tuju hłavu dysiertacyi, jakaja nie zadavoliła Valeryja Čarapicu. Kali tyja vodhuki i byli pryniatyja pad uvahu, na rašeńnie kamisii heta nie paŭpłyvała.
Navukovy kiraŭnik Taćciany Valeryj Čarapica maje pretenzii da druhoha raździeła jaje dysiertacyi. Maŭlaŭ, nie ŭbačyŭ tam ničoha novaha. Heta była spravazdača dziaŭčyny za druhi hod navučańnia ŭ aśpirantury Hrodzienskaha dziaržaŭnaha ŭniviersiteta. Tema jaje pracy — «Dziejnaść jevanhielskich chryścijan-baptystaŭ u BSSR. 1944-1991 hh.»
Taćciana ličyć pretenzii nadumanymi.
I źviazvaje nieatestacyju sa svajoj hramadskaj aktyŭnaściu.
Letaś jana ŭdzielničała ŭ zbory podpisaŭ za nadańnie adnoj z vulic Hrodna imia Vasila Bykava, arhanizavanym kampanijaj «Havary praŭdu». A padčas pieradvybarčaj kampanii padtrymała kandydata Uładzimira Niaklajeva.
