Misija pa nazirańni za prezidenckimi vybarami ŭ Irłandyi, u skład jakoj uvajšli 45 naziralnikaŭ ź Biełarusi i Litvy, vyjaviła šerah niedachopaŭ i parušeńniaŭ u pracedury arhanizacyi hałasavańnia.
Jak paviedamiła kiraŭnik misii Nastaśsia Matčanka, «hetyja niedachopy i parušeńni, adnak, nie paŭpłyvali na vynik vybaraŭ».
Naziralniki, u pryvatnaści, adznačyli prablemy ŭ kanstrukcyi kabinak dla hałasavańnia, jakija poŭnaściu nie zabiaśpiečvajuć tajnu hałasavańnia.
Taksama misija źviarnuła ŭvahu na vykarystańnie vybarščykami ałoŭkaŭ zamiest ručak.Naziralniki padkreślivajuć, što nadpis, zrobleny ałoŭkam, nie taki daŭhaviečny, jak zrobleny ručkaj, tamu moža być ściorty ci źmienieny, što ŭ svaju čarhu moža paŭpłyvać na dakładnaść vynikaŭ i źmianić kančatkovyja ličby. Aprača taho, naziralniki adznačyli adsutnaść paśladoŭnaj praktyki ŭ praviercy dakumientaŭ vybarščykaŭ.
Misija na vybarach u Irłandyi była arhanizavana ŭ miežach prajekta «Nazirańnie za vybarami: teoryja i praktyka» sumiesna šeraham arhanizacyj, što znachodziacca ŭ Litvie, — Belarus Watch, Jeŭrapiejskim humanitarnym univiersitetam i Biełaruskim domam pravoŭ čałavieka. Papiarednija misii prajekta pracavali ŭ Biełarusi, Estonii, Hruzii, Łatvii, Litvie, Narviehii, Polščy, Šviecyi i va Ukrainie.
Prezidenckija vybary ŭ Irłandyi adbylisia ŭ čaćvier, 27 kastryčnika. Aficyjnyja vyniki byli abvieščany praz dva dni paśla čatyroch turaŭ padliku hałasoŭ, što adpaviadaje składanaj vybarčaj sistemie krainy. Pieramožcam byŭ ab`iaŭleny
