Siaredni pamier dapamohi pa biespracoŭi ŭ Minsku u šeść razoŭ nižejšy za BPM 1

Aficyjny ŭzrovień biespracoŭja ŭ Minsku na 1 listapada skłaŭ 0,3% ekanamična aktyŭnaha nasielnictva. Za kastryčnik hety pakazčyk nie źmianiŭsia, paviedamili va ŭpraŭleńni zaniataści kamiteta pa pracy, zaniataści i sacyjalnaj abaronie Minharvykankama.

Siaredni pamier dapamohi pa biespracoŭi ŭ kastryčniku skłaŭ 103,1 tysiačy rubloŭ.

U vieraśni pamier dapamohi składaŭ 102,1 tysiačy rubloŭ. Dla paraŭnańnia: biudžet pražytačnaha minimumu ŭ Biełarusi — 574.790 rubloŭ.

Na 1 listapada ŭ stalicy było zarehistravana 3.268 biespracoŭnych. Za studzień-kastryčnik pa sadziejničańnie u pracaŭładkavańni źviarnułasia bolš za 21.400 čałaviek. Na pastajannuju abo časovuju pracu pracaŭładkavana 12.113, ź ich 6.479 biespracoŭnych atrymali pastajannuju pracu.

U studzieni-kastryčniku na časovuju pracu ŭ svabodny ad vučoby čas pry sadziejničańni słužby zaniataści pracaŭładkavany 3.631 student i školnik. Na prafiesijnuju padrychtoŭku, pierapadrychtoŭku i pavyšeńnie kvalifikacyi nakiravanyja 1.454 biespracoŭnyja. U hramadskich raboty ŭziali ŭdzieł 4.484 čałavieki, u tym liku 2.786 biespracoŭnych.

Kolkaść zajaŭlenych vakansij na pradpryjemstvach horada na 1 listapada skłała 21.364, u tym liku dla rabočych — 16.919.

Za dziesiać miesiacaŭ zarehistravana kala 216,5 tys. zvarotaŭ spašukalnikaŭ pracy da elektronnaha banka vakansij u adździełach pracaŭładkavańnia i bolš za 6,9 młn. zvarotaŭ da elektronnaha banka vakansij, što na sajcie Minharvykankama (www.minsk.gov.by).

Pavodle źviestak kamiteta, najbolš zapatrabavanymi śpiecyjalistami ŭ Minsku źjaŭlajucca vadzicieli aŭtamabilaŭ (823 vakansii), rabočyja pa kompleksnaj uborcy (373), hruzčyki (394), mulary (854), kanduktary (400), malary (494), cieślary (248), padsobnyja rabočyja (560), tynkoŭščyki (665), uračy-śpiecyjalisty (266), inśpiektary (130), miedsiostry (607).

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH