Hetyja słovy staršyni Papskaj rady spryjańnia chryścijanskamu adzinstvu kardynała Kurta Kocha prahučali padčas niadzielnaj imšy ŭ katedralnym kaściole ŭ Minsku.
Ijerarch pramoviŭ hamiliju, u jakoj pasprabavaŭ adkazać na pytańnie: jak suadnieści apošni sud Božy ŭ kancy časoŭ ź Jevanhiellem, jakoje kaža, što Boh — heta luboŭ?
Jak padaje radyjo Vatykana, padčas liturhii kardynał Koch padkreśliŭ naturalnuju patrebu ludziej u spraviadlivych śvieckich sudovych instytutach.
«Ludzi, jakija žyvuć va ŭmovach palityčnaj dyktatury, na ŭłasnym prykładzie źviedali, što značyć nie mieć sudździ»,— skazaŭ ijerarch i dadaŭ, što takija ludzi, asabliva biednyja i vielmi žadajuć, kab u śviecie, ź miłaści Božaj, pačała panavać spraviadlivaść.
«U suśvietnaj jurysprudencyi pavinna być aryjentacyja na Boha jak na apošniaha sudździu», adznačyŭ kardynał Koch.
Kardynał Koch źviarnuŭ uvahu na razumieńnie važnaści Božaha Sudu. Ijerarch adznačyŭ, što jaho isnavańnie, źjaŭlajecca dla ludziej błasłaŭleńniem:
«Kali čałaviek ź jaho suśvietam pry kancy nie byŭ by acenieny i nie asudžany Boham, heta aznačała b žachlivuju niaŭvahu i abyjakavaść Boha da stvoranaha im čałavieka. Tady b ŭsio zastałosia ŭ ciemry, ci, što jašče žachliviej, u zmročnym śviecie iłžy… Toje ž, što ŭsia suśvietnaja historyja budzie aceniena i asudžana Boham, aznačaje, što Boh traktuje jaje surjozna dy z pavahaj», — adznačyŭ kardynał Koch.