Siońnia Majra Mora — kiraŭnik Pradstaŭnictva Jeŭrapiejskaha Sajuza ŭ Biełarusi — uziała ŭdzieł u cyrymonii pieradačy troch kvater dla biežancaŭ, adramantavanych u ramkach prajekta techničnaj dapamohi, jaki finansuje ES, a ažyćciaŭlaje UVKB AAN. Ahulny abjom finansavańnia prajekta — 2,585 miljona jeŭra. Košt ramontu kvater skłaŭ 59 000 jeŭra.
Rehijanalny prajekt pačaŭsia ŭ 2009 h. i ažyćciaŭlajecca ŭ Biełarusi, Małdovie i Ukrainie. Biahučyja pracy skončacca ŭ śniežni, i ŭ studzieni 2012 hoda pačniecca novy dvuchhadovy etap, ahulny biudžet jakoha składzie 1,4 młn jeŭra.
Prajekt praduhledžvaje, siarod inšaha, zasnavańnie kansultacyjnych słužbaŭ dla biežancaŭ pa pytańniach zaniataści, pradastaŭleńnie dapamohi tym dziaržaŭnym viedamstvam, jakija padtrymlivajuć biežancaŭ u vyrašeńni sacyjalnych pytańniaŭ, a taksama praviadzieńnie kursaŭ prafiesijnaj i moŭnaj padrychtoŭki.
Z 2001 h. finansavaja padtrymka, pradastaŭlenaja Biełarusi ES u ramkach prajektaŭ, jakija achoplivajuć šerah krain, u śfiery mihracyi i atrymańnia prytułku skłała 14 miljonaŭ jeŭra; abjom padtrymki prajektaŭ, što realizujucca vyklučna ŭ Biełarusi, skłaŭ 2,1 młn jeŭra.
Ambasadar Mora padziakavała UVKB AAN za vydatnuju pracu ŭ ramkach prajekta i dadała: «Na biudžetny pieryjad z 2007 pa 2013 hh. Jeŭrapiejski sajuz vydzieliŭ 175 młn jeŭra na prajekty ŭ šmatlikich śfierach tolki ŭ dvuchbakovym farmacie, biez uliku rehijanalnych prajektaŭ, u jakich Biełaruś biare ŭdzieł. Na maju dumku, heta vyrazna demanstruje, nakolki mocna ES imkniecca padtrymlivać biełaruski narod».
