Niezaležny ekanamist Siarhiej Čały staŭ sapraŭdnym lidaram dumak u Biełarusi: jaho prahnozy aktyŭna abmiarkoŭvajuć, jaho prajekt «Ekanomika na palcach» u efiry tut.by idzie na ŭra, a sustrečy z ekanamistam ludzi naviedvajuć jak na lekcyju, kancert i siabroŭskija dyjałohi za kuflem piva.
Jakuju muzyku słuchaje Siarhiej Čały?
«Moj nabor budzie vypadkovy: ciažka abrać try kampazicyi — ich ahromnistaja kolkaść, — kaža Čały. — Voś, naprykład, pieśnia Dziuka Elinhtana It Don't Mean a Thing u vykanańni Eły Ficdžerałd stała sapraŭdnaj asnovaj dla sučasnaha džaza — jana ŭsia vykanana ŭ džazie: i tekst, i miełodyja, i impravizacyi.
The End hurtu The Doors. Tut i tak usio zrazumieła. Heta ž unikalna: rok Uschodniaha ŭźbiarežža złučajecca z tvorčaściu vialikaha amierykanskaha paeta Džyma Morysana — a pieršaje vykanańnie hetaj pieśni, kali jany vyklučyli ŭsio śviatło i zapisvali vakał pry śviečcy? Tut hałoŭnaje — tekst, ale i muzyka pryŭkrasnaja.
Since I've Been Lovin' You — heta najlepšy bluz jaki mnie davodziłasia čuć. U Led Zeppelin dvaistaja situacyja: asabliva na rańnich albomach šmatlikija ich pieśni byli pierapracoŭkami čužych ci płahijatam. Adnak spałučeńnie hitary i vakała ŭ hetaj pieśni, a taksama tradycyi bluzu i ciažkaha, sučasnaha hitarnaha huku robić jaje niepaŭtornaj. Jak kazaŭ piersanaž filma «Skryžavańnie»: «Bluz — heta kali dobramu čałavieku drenna».
