Hramadskaje akbjadnańnie «Biełaruskaje dobraachvotnaje tavarystva achovy pomnikaŭ historyi i kultury» nieadnarazova źviartałasia ŭ Minharvykankam z prapanovaj vynasu na hramadskaje abmierkavańnie prajektu, raspracavanaha kalektyvam KUP «Minskprajekt» «Minskaje zamčyšča. Paŭdniova-ŭschodniaja častka. Nacyjanalnyj historyka-archieałahičny centr». Na zapyty HA BDTAPHK Minharvykankam davaŭ admoŭnyja adkazy, havorycca ŭ zvarocie staršyni tavarystva na imia Mikałaja Ładućki.

Niežadańnie pravodzić hramadskaje abmierkavańnie Tavarystva achovy pomnikaŭ rasceńvaje, jak sprobu haradskoj administracyi realizavać prajekt, adnym z aŭtaraŭ jakoha źjaŭlaŭsia były hałoŭny architektar h. Minska V.D. Nikicin, i jaki raspracavany i ŭzhodnieny z prykmietami parušeńniaŭ šmatlikich pałažeńniaŭ narmatyŭna-pravavych i mietadyčnych dakumientaŭ, maje prykmiety parušeńnia art. 1, 3, 17, 20, 21 Zakona Respubliki Biełaruś «Ab baraćbie z karupcyjaj».

Staršynia tavarystva Anton Astapovič u čarhovy raz patrabuje pravieści hramadskaje abmierkavańnie prajekta ŭ adpaviednaści z zakanadaŭstvam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?