Kramy Minska adkryvajuć siezon pieradnavahodniaha handlu.
Pra heta paviedamili ŭ hałoŭnym upraŭleńni spažyvieckaha rynku Minharvykankama.

Niezvyčajna ciopłaje dla hetaha miesiaca nadvorje — nie pieraškoda dla pačatku handlu atrybutami kaladnych i navahodnich śviataŭ. Pieršaja siekcyja pa prodažy štučnych jołak i ŭpryhožańniaŭ adkryłasia ŭ staličnym HUMie: jołki možna nabyć pa canie ad Br60 tys. (vyšynia 58 sm) da Br1,2 młn. (3 m). Da śviatočnaha handlu voś-voś dałučacca CUM, «Kirmaš», HD «Na Niamizie», univiermah «Biełaruś».

A nieŭzabavie estafietu padtrymajuć astatnija handlovyja abjekty: bližej da śviata handlavać štučnymi jołkami i ŭpryhožańniami dla ich (nabory cacak raznastajnych formaŭ i koleraŭ, mišura, doždžyk, karali i navahodnija suvieniry) buduć kala 500 pradpryjemstvaŭ stalicy. Pa tradycyi kramy horada arhanizujuć vystavy-prodažy, a taksama rasprodažy i rekłamnyja akcyi z uručeńniem pryzoŭ i suvieniraŭ pry kupli tavaraŭ (sumiesna z pradpryjemstvami-vytvorcami).

Štohod z 15 śniežnia tavarazvarot u handlovych arhanizacyjach stalicy pavialičvajecca ŭ 2–3 razy. Pik pakupak — 30 i 31 śniežnia. U hetyja dni minskija kramy pradajuć prykładna ŭ piać razoŭ bolš tavaraŭ, čym zvyčajna.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?