Uładzimir Niaklajeŭ staŭ łaŭreatam premii šviedskaha PEN-centra. Jak havorycca ŭ paviedamleńni centra, sioleta premiju Kurta Tucholskaha vyrašana prysudzić "biełaruskamu aŭtaru i hramadskamu dziejaču Uładzimiru Niaklajevu, jaki prajaviŭ siabie jak vydatny paet i sapraŭdny zmahar za svabodu słova". "Dahetul Niaklajeŭ pakutuje ad nastupstvaŭ takoha žorstkaha abychodžańnia i źviarnuŭsia pa vyjaznuju vizu ŭ Šviecyju, dzie jon zmoh by atrymać śpiecyjalizavanuju dapamohu. Padčas hetaha vizitu jon płanavaŭ uziać udzieł u cyrymonii ŭručeńnia premii Tucholskaha, jakaja prachodzić u Stakholmie 15 listapada, dzie i pavinien byŭ atrymać premiju za hety hod", — havorycca ŭ paviedamleńni.

"Ciapier my atrymali infarmacyju, što Biełaruś admoviła Niaklajevu ŭ mahčymaści pajechać u Šviecyju. Pryčyna ŭ tym, što jon znachodzicca pad tak zvanym damašnim aryštam, heta značyć jamu zabaroniena pakidać Minsk. Heta značyć, što jon nie zmoža atrymać miedycynskuju dapamohu, jakaja jamu patrebnaja, i što jon nie zmoža atrymać premiju Tucholskaha ŭłasnaručna, jak płanavałasia", — paviedamlaje šviedski PEN-centr.

Cyrymonija ŭznaharodžańnia adbudziecca ŭ zale Doma kultury Stakholma 15 listapada ŭ ramkach prahramy Dnia źniavolenych piśmieńnikaŭ.

Nahadajem, 20 maja sud Frunzienskaha rajona Minska pryznaŭ Uładzimira Niaklajeva vinavatym pa č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i pryhavaryŭ da dvuch hadoŭ pazbaŭleńnia voli z adterminoŭkaj vykanańnia pryhavoru na dva hady. Niaklajeŭ pavinien rehularna adznačacca ŭ milicyi, viartacca damoŭ nie paźniej za 22.00, infarmavać milicyju ab svaich pajezdkach.

9 vieraśnia sud Leninskaha rajona Minska nakłaŭ na asudžanaha palityka dadatkovyja abmiežavańni pry adbyćci pakarańnia. Niaklajevu, u pryvatnaści, zabaroniena vystupać arhanizataram abo ŭdzielnikam masavych šeściaŭ, demanstracyj, pikietaŭ i inšych masavych mierapryjemstvaŭ; jon nie moža vyjazdžać za miežy Minska bieź piśmovaha dazvołu pravaachoŭnych orhanaŭ i pakidać miežy Biełarusi da zakančeńnia terminu pakarańnia. Palityku taksama pradpisana rehistravacca ŭ pravaachoŭnych orhanach pa miescy žycharstva raz na tydzień i znachodzicca doma štodzionna z 20.00 da 6.00.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?