Na fota: Anžeła Kambałava (źleva) razam z paplečnikami adviedvaje tatu palitviaźnia Statkieviča.

Na fota: Anžeła Kambałava (źleva) razam z paplečnikami adviedvaje tatu palitviaźnia Statkieviča.

Anžeła Kambałava 15 listapada była vymušana zvolnicca z pryvatnaj firmy pa pahadnieńni bakoŭ. Paśla suda i pakarańnia štrafam za raspaŭsiud ulotak pracadaŭca nastojliva paraiŭ joj napisać zajavu.

Pa słovach Kambałavaj, kiraŭnictva minskaj firmy, što zajmajecca ŭ Baranavičach prodažam padšypnikaŭ, prapanavała joj zvolnicca, jak tolki daviedałasia pra sudovaje pakarańnie. Ale napačatku baranavickaja aktyvistka była nakiravana ŭ čarhovy adpačynak.

«Mnie skazali, što palityka i praca niesumiaščalnyja, — kaža Anžeła. — Ja byccam by padstaŭlaju firmu, jakaja moža z-za mianie paciarpieć padčas jakoj-niebudź pravierki».

U Anžeły Kambałavaj dvoje dziaciej, adno ź jakich niepaŭnaletniaje.

Zvolnienaja aktyvistka pakul nie maje na budučyniu nijakich płanaŭ, ale nie hublaje aptymizmu. «Niekali ŭ savieckaha čałavieka byŭ strohi płan na žyćcio, — kaža Kambałava. — Skončyć škołu, instytut, uładkavacca na pracu, dzie i adpracavać ažno da piensii. Ciapier usio pa-inšamu, ja i tak adrabiła na firmie šeść hod, liču što mahu znajści i niešta lepšaje».

Na dumku baranavickaj aktyvistki, usio što ni robicca, robicca da lepšaha.

Nahadajem, Anžeła Kambałava 17 kastryčnika była pakaranaja štrafam na 350 tysiač rubloŭ (10 bazavych vieličyń) za raspaŭsiud ulotak, zaklikajučych na miascovy schod.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?