09.55
Praces nad Alesiem Bialackim adnaŭlajecca paśla pierapynku. Siońnia prakuror paabiacaŭ pradjavić novaje abvinavačvańnie, jakoje budzie značna adroźnivacca ad papiaredniaha.
Zała suda znoŭ poŭnaja.
10.00
Prakuror paprasiŭ pierapynkak na 20 chvilin, bo jamu nie chapiła času, kab sfarmulavać abvinavačvańnie. Pierapynak da 10.30.
U zale suda prysutničajuć staršynia Biełaruskaj asacyjacyi žurnalistaŭ Žanna Litvina, staršynia Sajuza biełaruskich piśmieńnikaŭ Aleś Paškievič, staršynia Abjadnanaj hramadzianskaj partyi Anatol Labiedźka, pravaabaroncy.
10.26
Skončyŭsia pierapynak.
Prakuror začytvaje abvinavačvańnie. Pieraličvaje «škodu, naniesienuju Bialackim dziaržavie» ad niavypłaty padachodnaha padatku. Heta sotni miljonaŭ biełaruskich rubloŭ.
U vyniku Alesiu Bialackamu źmianili farmuloŭku abvinavačvańnia, ale jano zastałosia tym samym.
Art. 243
1. Uchileńnie ad vypłaty sum padatkaŭ, zboraŭ šlacham utojvańnia, naŭmysnaha zanižeńnia padatkovaj bazy abo šlacham uchileńnia ad pradstaŭleńnia padatkovaj dekłaracyi (raźliku) abo ŭniasieńnia ŭ jaje zaviedama iłžyvych źviestak, što paciahnuła pryčynieńnie škody ŭ bujnym pamiery, — karajecca štrafam, abo pazbaŭleńniem prava zajmać peŭnyja pasady abo zajmacca peŭnaj dziejnaściu, abo aryštam na termin da šaści miesiacaŭ, abo abmiežavańniem voli na termin da troch hadoŭ, abo pazbaŭleńniem voli na toj ža termin.
2. Toje ž dziejańnie, jakoje paciahnuła pryčynieńnie škody ŭ asabliva bujnym pamiery, — karajecca abmiežavańniem voli na termin da piaci hadoŭ abo pazbaŭleńniem voli na termin ad troch da siami hadoŭ z kanfiskacyjaj majomaści abo biez kanfiskacyi i z pazbaŭleńniem prava zajmać peŭnyja pasady abo zajmacca peŭnaj dziejnaściu abo biez pazbaŭleńnia.
Advakat paprasiŭ pierapynak da 22 listapada, kab abarona i abvinavačany mahli aznajomicca z novym abvinavačvańniem.
Sudździa padtrymaŭ chadajnictva.
