ZŠA ličać siabie ŭ pravie adkazvać realnymi vajennymi ŭdarami na mahčymyja ataki ŭ kibierprastory. Pra heta havorycca ŭ novym dakładzie, jaki Pientahon padrychtavaŭ dla amierykanskaha Kanhresu.

Ekśpierty nazvali hety 12-staronkavy dakumient «najbolš vyraznaj zajavaj Vašynhtona ab palitycy ŭ halinie kibierbiaśpieki». U dakładzie adznačajecca, što «ŭ vypadku nieabchodnaści adkaz na napad u kibierprastory budzie takim ža, jak i na lubuju inšuju pahrozu ŭ dačynieńni da ZŠA». «My pakidajem za saboj prava vykarystoŭvać usie nieabchodnyja varyjanty — dypłamatyčnyja, infarmacyjnyja, vajennyja i ekanamičnyja», — havorycca ŭ jaho dakładzie. Pavodle słovaŭ jaho aŭtaraŭ, heta nieabchodna «dla abarony nacyi, našych sajuźnikaŭ i partnioraŭ, a taksama našych intaresaŭ».

Jak adznačajecca ŭ dakładzie, pierš čym užyć siłu, Minabarony ZŠA pastarajecca ŭzvažyć usie inšyja varyjanty i «zaručycca jak maha bolš šyrokaj padtrymkaj suśvietnaj supolnaści».

Internet-sajt i kamputarnyja sistemy samoha Pientahona źjaŭlajucca abjektami šmatlikich napadaŭ z boku złamyśnikaŭ. Supracoŭniki vajennaha viedamstva ZŠA vykarystoŭvajuć u rabocie bolš za 15 tys. kampjutarnych sietak, da jakich padklučana bolš za 7 młn kamputaraŭ.

Kibierataki na amierykanskija kamputarnyja sietki pačaścilisia ŭ apošnija hady. Prykładnaja škoda, naniesienaja kamputarnymi ŭzłomščykami abaronnaj pramysłovaści ZŠA, aceńvajecca ŭ $1 trłn.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?