Volha Hałanava ź pieršym albomam.

Volha Hałanava ź pieršym albomam.

 «Kryvičy» ŭ MInsku. Leta 2011.

«Kryvičy» ŭ MInsku. Leta 2011.

Hurt aŭtentyčnaha biełaruskaha śpievu «Kryvičy», stvorany pry Irkuckim tavarystvie biełaruskaj kultury imia Jana Čerskaha, zapisaŭ svoj pieršy albom pad nazvaj «Vieciarok vieje...».

Na dysku šerah biełaruskich kalandarna-abradavych piesień: da Kupalla, Kaladaŭ, Hukańnia viasny, abradu Pachavańnia strały, Dažynak, a taksama niekalki pazaabradavych piesień — ahułam 21 pieśnia. Niekatoryja z hetych piesień zapisany ŭ biełaruskich vioskach Irkuckaj vobłaści pad čas etnahrafičnych vandrovak ITBK imia Jana Čerskaha.

Pra hurt «Kryvičy» i historyju stvareńnia kružełki raspaviadaje staršynia Irkuckaha tavarystva biełaruskaj kultury imia Jana Čerskaha Aleh Rudakoŭ:

«Hurt aŭtentyčnaha śpievu «Kryvičy» byŭ zasnavany pa inicyjatyvie ścipłaj, ale natchnionnaj biełarusački — Voli Hałanavaj, jakaja naradziłasia ŭ Sibiry až ŭ 3-im pakaleńni. Jaje prababki i pradziedy vyjechali ź Biełarusi ŭ dalokija časy. Ale patrapiŭšy adnojčy ŭ ITBK, jana stała adnoj z aktyŭnych udzielnic Tavarystva. Vola natchniona vyvučaje biełaruskija tradycyjnyja śviaty, stroi, śpievy dy tancy.

Paŭtara hady tamu, pierad čarhovym śviatam Kupalla, Voli zachaciełasia sabrać dziaŭčat i razvučyć nie mienš čym 30 kupalskich piesien. Nie majučy muzyčnaj adukacyi, ale majučy talent, upartaść i, samaje hałoŭnaje — šmat siabroŭ, Vola ździejśniła svaju maru.

Z taho času hurt «Kryvičy» źjaŭlajecca adnym z samych aktyŭnych udzielnikaŭ usich biełaruskich śviataŭ u Irkuckaj vobłaści. Letam hetaha hoda kalektyŭ navat udzielničaŭ u abradavym śviacie «Piatrok» u Lubanskim rajonie ŭ Biełarusi. «Kryvičoŭ» zaprašali na festy ŭ Novasibirsk, Minsk, na fiestyval «Słavianski bazar» u Viciebsku. Jany dobra vystupili na 1-ym Abłasnym fiestyvali-konkursie śpieŭnaha falkłora na Bajkale, zaniaŭšy tam 3-je miesca. Dyj šmat dzie ŭžo paznajomilisia z tvorčaściu «Kryvičoŭ».

U hurcie śpiavaje šmat talenavitych dziaŭčat. Ale ŭ zapisie hetaj kružełki zmahli ŭziać udzieł, na žal, nie ŭsie. I ŭsio ž taki samyja aktyŭnyja, samyja addanyja zorački hurta «Kryvičy», nie škadujučy svajho času, samaachviarna źbiralisia razam na šmatlikija repietycyi i zapisy.

Tut śpiavajuć: Vola Hałanava, Volha Tuharynava, Śviecik Bastrakova, Vialona Rabcava, Halinka i Marysia Daniłavy.

Darečy, na apošniaj pieśni da ich dałučyŭsia i ja. Nie zmoh strymacca. Usim dziaŭčatam ad imia Abłasnoj Rady ITBK vykazvajem ščyruju padziaku!»

Irkuckaje tavarystva biełaruskaj kultury imia Jana Čerskaha vykazvaje asablivuju padziaku Hienadziu Istominu. Mienavita dziakujučy jaho hrašovaj dapamozie stała mahčymym vydańnie kružełki.

Hladzi jašče: Znajomciesia — irkuckija «Kryvičy».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?