Pavodle asobasnych charaktarystyk biełaruskija biznesoŭcy źjaŭlajucca siemjaninami, nie imknucca da ŭłady i nie dumajuć pra toje, kab stać upłyvovymi.

Pavodle daśledavańnia sacyjałahičnaha centra «Zierkało-Info», praviedzienaha pa pytańni ŭciahnutaści biełaruskaha biznesu ŭ hramadskija pracesy ŭ krainie, bolšaść biełaruskich biznesoŭcaŭ zusim nie akuły ŭ zachodnim ci rasijskim razumieńni hetaha słova i siarod hałoŭnych svaich pryjarytetaŭ nazyvajuć siamju.

Padčas apytańnia biełaruskim biznesoŭcam było prapanavana adkazać na pytańnie «Da čaho vy imkniaciesia ŭ svaim žyćci ŭ pieršuju čarhu?».
Pryčym, abrać možna było tolki try adkazy, kab paznačyć try asnoŭnyja pieravahi pradstaŭnikoŭ biełaruskaha biznesu.
Z usich paznačanych žyćciovych metaŭ na pieršaje miesca biznesoŭcy pastavili «Mieć dobruju siamju» — 61% pieravah.
Druhoje miesca zaniaŭ adkaz «Vychavać dobrych dziaciej» (36% apytanych), što taksama možna adnieści da siamiejnych pieravahaŭ. I tolki na treciaje miesca byŭ pastaŭleny adkaz, jaki datyčyć niepasredna samoha biznesu, — «Mieć svoj biznes» (33%). Pry hetym tolki 23% apytanych źviazali svaje žyćciovyja intaresy niepasredna z bahaćciem («Stać bahatym»), a ŭsie astatnija vybirali sacyjalna aryjentavanyja mety.

Tak, 20% biznesoŭcaŭ paznačyli siarod svaich žyćciovych metaŭ «Žyć sumlenna, u zhodzie z samim saboj», 18% vybrali «Kachać i być kachanym», i stolki ž vybrali «Być karysnym hramadstvu i ludziam».

Na dumku sacyjołahaŭ, praviedzienaje apytańnie pakazvaje, što biełaruski biznes zusim nie drapiežny i jaho nie varta bajacca.
Naadvarot, kali jaho aktyŭna zadziejničać u hramadskich pracesach, u tym liku ŭ palitycy, jon moža prynieści šmat karyści krainie.

Naprykład, z usich apytanych tolki 9% paznačyli siarod žyćciovych metaŭ atrymańnie ŭłady («Trapić u koła ŭpłyvovych ludziej, damahčysia ŭłady»), a na apošniaje miesca biznesoŭcy pastavili adkaz «Damahčysia hramadskaha pryznańnia, viadomaści».

Bolšaść z apytanych biznesoŭcaŭ pracuje ŭ śfiery pasłuh (35%), roźničnym handli (34%), optavym handli (12%) i budaŭnictvie (11%). Pry hetym absalutnaja bolšaść ź ich zajmajecca svaim biznesam užo bolš za 5 hadoŭ, heta značyć paśpieli adčuć ciažar biełaruskaha biznesu, acanić jaho pierśpiektyvy i viedajuć znutry biełaruskuju rečaisnaść.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?