Kiraŭnictva ŭpraŭleńnia DAI UUS Homielskaha abłvykankama stała inicyjataram ŭstalavańnia na darohach makietaŭ dzikich kabanoŭ, jakija śvieciacca.
Jak paviedamiła inśpiektar adździaleńnia pa ahitacyi i prapahandzie UDAI Natalla Jelistratava, na dadzieny momant siłuety kabanoŭ, zroblenyja z tonkich listoŭ mietału, ustalavanyja kala dačnaha pasiołka va ŭročyščy Klanki i abłasnoha centra.
«Uvieś sens prysutnaści makietaŭ kabanoŭ ŭzdoŭž darohi možna zrazumieć tolki viečaram ci nočču, kali śviatło far ad aŭtamabilaŭ traplaje na makiet: spačatku kiroŭca zaŭvažaje tolki nievialikuju śvietłuju plamu, jakaja z kožnym mietram robicca jarčejšaj, dy jašče i pavialičvajecca ŭ pamierach. Na makiety naniesienaja śpiecyjalnaja śvietłaadbivalnaja sumieś, i efiekt ad takoha jarkaha načnoha źviera budzie ŭ razy pieravyšać dziejańnie flikiera, što prymusić kiroŭcu mašynalna źnizić chutkaść», — patłumačyła sutnaść idei inśpiektar.
Kiraŭnictva miascovaj DAI, pavodle słovaŭ inśpiektara, bačyć u hetym tolki pieravahi.
