Brovar «Alivaryja» zrabiŭ dla naviedvalnikaŭ svajho sajta fłeš-testavanku «Druža, kim ty byŭ u minułym žyćci».
«Zamožnym šlachcičam, advažnym sałdatam ci viadomym šynkarom? Davaj spraŭdzim! — adznačajecca na sajcie. — Za kuflem smačnaha piva dy ŭ dobraj siabroŭskaj kampanii pa tvajoj razmovie lohka paznać, kim ty jość ciapier i kim ty byŭ u minułym žyćci».
Udzielnikam apytanki prapanujecca prajści try vyprabavańni. Spačatku prapanujecca na ŭvieś hołas padrychtavać u darohu kania, huknuŭšy: «Kania mnie, kania».
«Voś ža daŭ Boh hołas. Na zajzdraść», — adkazam na takoje hukańnie.
U druhim vyprabavańni treba raśśmiajacca vorahu ŭ tvar. U trecim pytańni stvaralniki prajekta chočuć vyśvietlić, ci «pryklejvaŭsia ty da kožnaj spadnicy».
«Mužnyja i śmiełyja zaŭsiody karystajucca pośpiecham u žančyn i ŭ zručny momant imknucca padkreślić svaju zuchavataść i maładzieckaść. Pakažy, jak ty b śvisnuŭ, ubačyŭšy pryhožuju žančynu, što prachodziła mima vašaj družnaj kampanii».
Čarhovaje vyprabavańnie: jak doŭha ty možaš praciahnuć huk bieź pierapynku? Nastupnym razam tabie treba pakazać, jak ty zdolny zdźmuchavać piŭnuju pienu.
Nu i ŭ apošni nieabchodny krok, kab vyśvietlić, kim ža ty byŭ — heta test na ščodraść. Dla hetaha treba «hołasna hrymnuć»: «Piva ŭsim za moj košt».Jość prykłady, jak prachodzić hetyja vyprabavańni, jakija ź ironijaj ahučyŭ lidar hurtu «Pałac» Aleh Chamienku.
U lubym vypadku prachodžańnie hetaj testavanki daść mnostva pazityŭnych emocyj. Test budzie pazityŭna ŭspryniaty nie tolki amatarami piva, ale i historyi.
