Pavieł Siarhiej. Fota mfront.net.
16 listapada maładoha čałavieka vyklikali da dyrektara Maładziečanskaha dziaržaŭnaha politechničnaha kaledža. Toj skazaŭ, što chłapca adličajuć za parušeńnie statuta navučalnaj ustanovy.
Spačatku Siarhieju prapanavali pa ŭłasnym žadańni zabrać dakumienty. Toj admoviŭsia. Nie staŭ padpisvać i abchadny list, jaki jamu vydali. Pavieł paviedamiŭ, što budzie čakać zahad dyrektara ab adličeńni, jaki zaŭtra paabiacali padrychtavać.
Małady čałaviek svajo adličeńnie źviazvaje z administracyjnym aryštam, jaki jon adbyvaŭ za akcyju 7 listapada ŭ Minsku. Jon razam ź inšymi chłapcami zakidaŭ jajkami pomnik Leninu. Atrymaŭ siem sutak administracyjnaha aryštu.
Źviazacca z dyrektaram kaledža pakul nie atrymałasia, kab atrymać ad jaho kamientar.
Pavieł vučycca na 3 kursie MDPK. Raniej jaho nieadnarazova vyklikali da administracyi navučalnaj ustanovy na razmovy. Usio praź jaho hramadskuju aktyŭnaść.
