Novy videazapis Zavachiry pad nazvaj «Dni imama: častka pieršaja» praciahłaściu ŭ 30 chvilin źjaviłasia na džychadysckich sajtach u internecie.
«Ludzi nie viedajuć, što jon byŭ miakkim, dobrazyčlivym i čułym, navat u ciažkija pieryjady svajho žyćcia, — kaža na videazapisie Ajman Zavachiry. — Takoha čałavieka my jašče nie bačyli».
Zavachiry paznajomiŭsia ź Bin Ładenam ŭ siaredzinie vaśmidziesiatych hadoŭ u Pakistanie, kali jany abodva padtrymlivali madžachiedaŭ, jakija zmahalisia suprać savieckich vojskaŭ u Afhanistanie. Ajman Zavachiry ŭspaminaje, što kali Bin Ładen daviedaŭsia, što niekalki svajakoŭ Zavachiry zahinuli, jon pryjšoŭ da jaho sa ślazami na vačach i abniaŭ jaho.
Pavodle jaho słoŭ, Bin Ładen taksama vielmi kłapaciŭsia pra svaich dziaciej i rabiŭ usio mahčymaje dla taho, kab jany atrymali dobruju adukacyju, niahledziačy na pastajannyja pierajezdy.Jon taksama dadaŭ, što adzin z nastaŭnikaŭ dziaciej Bin Ładena pahražaŭ im pałkaj, kali jany admaŭlalisia vyvučać Karan.
Bin Ładen, pavodle jaho słoŭ, taksama chacieŭ, kab imiony tych, chto ździejśniŭ napad na Ńju-Jork i Vašynhton u vieraśni 2001 hoda, nie byli zabytyja.
«Šejch uspaminaŭ pra ich z padziakaj, i jon časta dumaŭ pra 19 bratoŭ, jakija ździejśnili napad na idała našaj epochi, na Amieryku», — uspaminaje pierajemnik bin Ładena.
Novy kiraŭnik «Al-Kaidy» kaža, što kali jon i Bin Ładen chavalisia ŭ harach Tora Bora, to toj asabista napisaŭ paśviedčańnia ab śmierci kožnamu z udzielnikaŭ napadu na ZŠA, tamu što bajaŭsia, što sam moža zahinuć, i pierad śmierciu chacieŭ zapomnić «imiony hieraičnych pakutnikaŭ».
Analityki miarkujuć, što ŭspaminajučy ab svaich dniach z Usamoj Bin Ładenam, Ajman Zavachiry sprabuje ŭmacavać ŭłasnuju reputacyju.
