Źmicier Drozd, archivist i aŭtar knihi «Ziemleŭłaśniki Minskaj hubiernii 1861-1900», paśla Płoščy apynuŭsia za kratami. Za ŭdzieł u «masavych biesparadkach» 19 śniežnia 2010 h. Źmitra asudzili na try hady kałonii ŭzmocniennaha režymu. 12 žniŭnia jon byŭ vyzvaleny, zhodna z ukazam ab pamiłavańni. Ciapier Źmicier praciahvaje pracavać z archivami, a taksama adstojvać svaju hramadzianskuju pazicyju.
Jakaja muzyka natchniaje jaho na heta?
«Ja liču, što ŭ pieśni «Ja naradziŭsia tut» vielmi jakasny tekst, sapraŭdy paetyčny, -- kaža Źmicier Drozd. -- I miełodyja jaskravaja, zapaminalnaja. Heta pieśnia vielmi čaplaje svaimi słovami, jaje vielmi pryjemna słuchać i śpiavać.
Belarus Freedom — heta himn našaha času, jaki moža ŭźniać ludziej na baraćbu, jaki dobra adlustroŭvaje, što adbyvajecca ciapier navokał.
«Pavietrany šar» — heta ŭžo ramantyka. Kali stanovicca zusim ciažka, uźnikaje pačućcio zhublenaści, chočacca źjechać ci adlacieć adsiul na takim voś pavietranym šary. Heta pieśnia pra nadzieju, što ŭsio sapraŭdy budzie dobra».
