Fota BČ.
Fota BČ.
Jak paviedamili BiełaPAN u pres-słužbie BČ, 19 listapada sa stancyi Brest-Centralny elektraciahnik rehijanalnych linij biźnies-kłasa EPR adpravicca ŭ pieršy rejs pa maršrucie Brest — Baranavičy. U hety ž dzień EPR pačnie kursiravać pa maršrucie Baranavičy — Minsk.
Adkryćcio rehularnaha ruchu elektraciahnikoŭ rehijanalnych linij biźnies-kłasa źjaŭlajecca čarhovym etapam realizacyi novaha farmatu pasažyrskich pieravozak, da ŭkaranieńnia jakoha BČ prystupiła ŭ 2010 hodzie.
Elektraciahniki EPR buduć kursiravać adzin raz na dzień z Bresta da Baranavičaŭ i nazad i adzin raz u dzień — ź Minska da Baranavičaŭ i nazad. U maršrucie Brest-Baranavičy praduhledžana try prypynki (Ivacevičy, Biaroza-Horad, Žabinka), u maršrucie Minsk-Baranavičy — dva prypynki (Kojdanava i Stoŭbcy).
Z Bresta ŭ Baranavičy ciahnik budzie adpraŭlacca ŭ 12.43, prybyvać — u 14.39. Čas adpraŭleńnia elektraciahnika z Baranavičaŭ — 10.12, prybyćcia na stancyju Brest-Centralny — 12.09. Ź Minska ciahnik budzie adpraŭlacca ŭ 08.25 i prybyvać na stancyju Baranavičy-Paleskija u 09.57. Čas adpraŭleńnia elektraciahnika z Baranavičaŭ da stalicy — 15.33, prybyćcia na stancyju Minsk-Pasažyrski — 17.05.
Cana prajezdu na elektraciahnikach rehijanalnych linij biznes-kłasa budzie adpaviadać koštu prajezdu ŭ ahulnych vahonach chutkich ciahnikoŭ, jakija kursujuć pa dadzienych maršrutach. Prajaznyja dakumienty buduć realizoŭvacca ŭ čyhunačnych biletnych kasach praź sistemu ASK «Ekspres» z ukazańniem numaroŭ vahona i miescy.
Zhodna z novym farmatam, rynak čyhunačnych pieravozak pasažyraŭ kłasifikujecca na nastupnyja linii: mižnarodnyja, kamiercyjnyja, rehijanalnyja, mižrehijanalnyja i haradskija.
Jak paviedamlałasia raniej, u vieraśni 2011 hoda BČ adkryła rehularny ruch elektraciahnikoŭ haradskich linij pa maršrucie Minsk-Pasažyrski — stancyja Biełaruś (Zasłaŭje). U kastryčniku elektraciahniki haradskich linij (EPH) pačali kursiravać u testavym režymie pa maršrucie Minsk — Kaladzičy — Rudziensk.
***
Daviedka Biełaruskaj čyhunki
Kanstrukcyjnyja chutkaść elektraciahnika rehijanalnych linij dla biełaruskaj mahistrali składaje 160 km/h (jak i ŭ elektraciahnikach haradskich linij). Siarod pieravah EPR — rekupieracyjnaje tarmažeńnie; sistema žorstkaj sčepki pamiž vahonami i admysłovaja kanstrukcyja apory vahona na vazok, jakaja zabiaśpiečvaje płaŭny chod; prystasavańnie ciepłavych zaviesaŭ uvachodnych dźviarej i h.d. Ad ciahnikoŭ haradskich linij EPR adroźnivaje rasstanoŭka miakkich siadzieńniaŭ z padłakotnikami pa sistemie «2 +2».
