U Minsku «Falksvahien» upaŭ na piešachodaŭ i zabiŭ žančynu 7

Avaryja adbyłasia ŭ Frunzienskim rajonie Minska. Mašyna, straciŭšy kiravańnie, śmiarotna traŭmavała kabietu, a jaje dačka i ŭnučka ŭ ciažkim stanie dastaŭlenyja ŭ balnicu.

Trahiedyja adbyłasia siońnia kala 17-j u mikrarajonie Kamiennaja horka. Aŭtamabil «Falksvahien» ruchaŭsia pa darozie, začynienaj dla ruchu ŭ suviazi z budaŭničymi pracami. Na dumku vidavočcaŭ, kiroŭca ruchaŭsia ź vialikaj chutkaściu.

Raptam mašynu zaniesła i ŭdaryła ab bardziur. U hety čas darohu pierachodzili try čałavieki: žančyna i jaje dačka z kalaskaj. Mašyna niekalki razoŭ pieraviarnułasia i pavaliłasia na piešachodaŭ. Žančyna stałaha vieku zahinuła na miescy, a jaje svajakoŭ u ciažkim stanie pavieźli lekary.

Pa słovach vidavočca, kiroŭcu i pasažyra aŭto taksama dastavali z mašyny. Mahčyma, jany znachodzilisia ŭ stanie apjanieńnia.

Pavodle «Narodnych navinaŭ»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH