Abjom zamiežnaha handlu tavarami i pasłuhami za studzień-vierasień 2011 pavialičyŭsia na 48,9% u paraŭnańni z anałahičnym pieryjadam 2010 h. i skłaŭ 68,9 młrd dalaraŭ ZŠA, u tym liku ekspart - 33,5 młrd dalaraŭ (rost na 59,9%), impart - 35,4 młrd dalaraŭ (rost na 39,8%), paviedamlaje Biełstat.

Zamiežnahandlovaje salda atrymałasia admoŭnym i skłała 1 897,9 młn dalaraŭ, u vieraśni było stanoŭčaje ŭ pamiery 153,2 młn. dalaraŭ.

Abjom zamiežnaha handlu tavarami za studzień-vierasień 2011 skłaŭ 63,2 młrd dalaraŭ, u tym liku ekspart - 29,6 młrd dalaraŭ, impart - 33,6 młrd dalaraŭ. Vartasny abjom ekspartu ŭ paraŭnańni sa studzieniem-vieraśniem 2010 h. pavialičyŭsia na 68%, abo na 12 młrd dalaraŭ, impartu - na 42,8%, abo na 10,1 młrd dalaraŭ.

Pavieličeńnie vartasnych abjomaŭ ekspartu i impartu tavaraŭ u studzieni-vieraśni 2011 abumoŭlenaje rostam jak siarednich cen, tak i fizičnych abjomaŭ pastavak.

U paraŭnańni sa studzieniem-vieraśniem 2010 h. siarednija ceny ekspartu ŭzraśli na 26%, impartu - na 16%. Tavarnaja masa ekspartu pavialičyłasia na 33,3%, impartu - na 23,1%.

Jak adznačaje Biełstat, u studzieni-vieraśni 2011 h. skłalisia spryjalnyja dla Biełarusi suadnosiny koštaŭ u zamiežnym handli tavarami.
Indeks cenavych umovaŭ handlu skłaŭ 108,6%. Heta aznačaje, što ŭ studzieni-vieraśni 2011 hoda ŭ paraŭnańni z anałahičnym pieryjadam minułaha hoda na sumu vyručki ad ekspartu Respublika Biełaruś mahła impartavać tavaraŭ na 8,6% bolš. Z ulikam rostu fizičnych abjomaŭ pastavak tavaraŭ za miežy Respubliki Biełaruś pakupnickaja zdolnaść ekspartu pavialičyłasia na 44,8%.

U paraŭnańni sa studzieniem-vieraśniem 2010 h. najbolš istotna vyraśli siarednija ceny i fizičnyja abjomy ekspartu enierhanośbitaŭ (adpaviedna na 38,4% i na 74,1%), jakija apiaredzili rost anałahičnych pakazčykaŭ impartu enierhietyčnych tavaraŭ. Pa imparcie najbolš vysokija značeńni indeksaŭ siarednich cen skłalisia pa hrupie niecharčovych spažyvieckich tavaraŭ, fizičnych abjomaŭ - pa hrupie enierhietyčnych tavaraŭ.

Najbolš prykmietnaje pavyšeńnie siarednich cen ekspartu ŭ studzieni-vieraśni 2011 hoda zafiksavana na azotnyja ŭhnajeńni (u 1,9 razu), šyny (na 48,5%), naftapradukty (na 38,3%), čornyja mietały (na 35,5% ), kalijnyja ŭhnajeńni (na 34,5%).

Pa imparcie istotna ŭzraśli zakupki ŭ naturalnym vyražeńni naftapraduktaŭ (u 3,3 razu), lehkavych aŭtamabilaŭ (u 1,8 razu), ruchavikoŭ unutranaha zharańnia (u 1,6 razu), nafty (na 44%).

U studzieni-vieraśni 2011 h. u paraŭnańni sa studzieniem-vieraśniem 2010 h. najbolš istotnaje pavyšeńnie siarednich koštaŭ impartu adznačanaje na hruzavyja aŭtamabili i kaŭčuk sintetyčny (u 1,6 razu pa kožnym z tavaraŭ), alej (na 46,4%) , elektraenierhiju (na 40,8%), lehkavyja aŭtamabili (na 39,4%).

U studzieni-vieraśni 2011 h. sfarmavałasia admoŭnaje salda zamiežnaha handlu tavarami ŭ pamiery 4 040,3 młn dalaraŭ suprać 5 927,9 młn dalaraŭ u studzieni-vieraśni 2010 h.

Asnoŭnymi krynicami farmavańnia admoŭnaha salda źjaŭlajucca ekspartna-impartnyja apieracyi z pramiežkavymi tavarami (enierhanośbity, syravina, materyjały i kamplektujučyja).

Na enierhietyčnyja tavary prypadaje 49,6% vartasnaha abjomu ekspartu i 52,7% impartu pramiežkavych tavaraŭ. Za studzień-vierasień 2011 h. na zamiežny rynak ich pastaŭlena na sumu 10 243,4 młn dalaraŭ, što ŭ 2,4 razu bolš, čym za studzień-vierasień 2010 h. Impart enierhietyčnych tavaraŭ skłaŭ 13 219,9 młn dalaraŭ, što ŭ 1,7 razu bolš, čym za studzień-vierasień 2010. Salda zamiežnaha handlu enierhanośbitami skłałasia admoŭnym u abjomie 2 976,5 młn dalaraŭ suprać 3 697,4 młn dalaraŭ u studzieni-vieraśni 2010.

Pavieličeńnie impartu pa inšych pramiežkavych tavarach vyklikanaje značnym rostam vartasnych abjomaŭ impartnych zakupak čornych mietałaŭ (na 435,4 młn dalaraŭ), cukru-syrcu (na 126,4 młn dalaraŭ), ruchavikoŭ unutranaha zharańnia (na 100,1 młn dalaraŭ), uhnajeńniaŭ minieralnych źmiašanych (na 76 młn dalaraŭ), kaŭčuku naturalnaha (na 57,8 młn dalaraŭ), častak i abstalavańnia dla aŭtamabilaŭ i traktaroŭ (na 55,6 młn dalaraŭ), drotu miednaha (na 45,4 młn dalaraŭ).

Adnačasova

pavialičylisia vartasnyja abjomy pastavak na zamiežny rynak kalijnych uhnajeńniaŭ (na 856,8 młn dalaraŭ), rastvaralnikaŭ i rastvaralnikaŭ składanych arhaničnych (na 805,8 młn dalaraŭ), čornych mietałaŭ (na 254,9 młn dalaraŭ), šyn (na 130,3 młn dalaraŭ), uhnajeńniaŭ azotnych (na 98,1 młn. dalaraŭ), materyjałaŭ zmazačnych (na 97,3 młn dalaraŭ), častak i abstalavańnia dla aŭtamabilaŭ i traktaroŭ (na 63 młn dalaraŭ), kaprałaktamu (na 59,6 młn dalaraŭ), dratoŭ izalavanych i kabielaŭ (na 54,7 młn dalaraŭ).

Pavieličeńnie pastavak na zamiežny rynak inviestycyjnych tavaraŭ adbyłosia ŭ vyniku rostu vartasnych abjomaŭ ekspartu traktaroŭ i siedłavych ciahačoŭ (na 515,5 młn dalaraŭ), hruzavych aŭtamabilaŭ (na 368,3 młn dalaraŭ), mašyn i miechanizmaŭ dla ŭborki i abmałotu sielska-haspadarčych kultur (na 74,2 młn dalaraŭ), aŭtamabilaŭ śpiecyjalnaha pryznačeńnia (na 46,8 młn dalaraŭ), pryčepaŭ i paŭpryčepaŭ (na 25,3 młn dalaraŭ), darožnaj techniki (na 23 młn dalaraŭ).

Adnačasova pavialičylisia impartnyja zakupki traktaroŭ i siedłavych ciahačoŭ (na 80 młn dalaraŭ), abstalavańnia dla sartavańnia i drabnieńnia hruntu (na 71,6 młn dalaraŭ), vahonaŭ čyhunačnych i tramvajnych (na 62,2 młn dalaraŭ), mašyn i pryład dla padjomu, pieramiaščeńnia, pahruzki abo razhruzki (na 58,8 młn dalaraŭ), mašyn i miechaničnych pryładaŭ śpiecyjalnaha pryznačeńnia (na 48,9 młn dalaraŭ).

Farmavańnie admoŭnaha salda zamiežnaha handlu spažyvieckimi tavarami abumoŭlenaje vynikam ekspartna-impartnych apieracyj pa niecharčovaj hrupie tavaraŭ. Admoŭnaje salda pa dadzienaj hrupie ŭ studzieni-vieraśni 2011 h. skłała 1 614,8 młn dalaraŭ. U studzieni-vieraśni 2010 h. vieličynia admoŭnaha salda składała 844,1 młn dalaraŭ.

Vartasny abjom impartu niecharčovych tavaraŭ u studzieni-vieraśni 2011 h. u paraŭnańni z adpaviednym pieryjadam minułaha hoda pavialičyŭsia ŭ 1,6 razu. Uzraśli pastaŭki na ŭnutrany rynak aŭtamabilaŭ lehkavych (na 1 419,3 młn dalaraŭ), špaler (na 28,6 młn dalaraŭ), lekavych srodkaŭ (na 20,6 młn dalaraŭ), adzieńnia trykatažnaha (na 14,8 młn dalaraŭ), adzieńnia tekstylnaha (na 12,7 młn dalaraŭ), mebli (na 10,2 młn dalaraŭ).

Pavieličeńnie vartasnaha abjomu ekspartu i impartu charčovych tavaraŭ abumoŭlenaje pierš za ŭsio rostam siarednich cen. Siarednija košty na ekspartavanyja charčovyja tavary ŭzraśli na 17,4%, na impartavanyja - na 14,7%. Tavarnaja masa pastavak pavialičyłasia niaznačna (ekspartu - na 5,2%, impartu - na 0,1%).

Pavieličeńnie ekspartu praduktaŭ charčavańnia adbyłosia ŭ vyniku rostu vartasnych abjomaŭ pastavak śvininy (na 94,3 młn dalaraŭ), syroŭ i tvarahu (na 59 młn dalaraŭ), miasa chatniaj ptuški (na 56,3 młn dalaraŭ), jałavičyny (na 45 młn dalaraŭ), małočnaj syrovatki (na 30,7 młn dalaraŭ), zamarožanaj sadaviny (na 29,4 młn dalaraŭ), masła śmietankovaha (na 27,5 młn dalaraŭ).

Adnačasova ŭzraśli vartasnyja abjomy impartnych zakupak śvininy (na 102,5 młn dalaraŭ), aleju (na 27,3 młn dalaraŭ), bulby (na 20 młn dalaraŭ), jabłykaŭ (na 14,3 młn dalaraŭ), ryby marožanaj (na 14,3 młn dalaraŭ).

Z ahulnaha abjomu ekspartu respubliki ŭ studzieni-vieraśni 2011 h. na dolu Rasii prypadała 35%, astatnich krain SND - 14,2%, krain ES - 38,2%, astatnich krain - 12,6%. Impart z Rasii skłaŭ 52,8% ahulnaha abjomu impartu, astatnich krain SND - 7,1%, krain ES - 18,7%, astatnich krain - 21,4%.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?