Biełaruski centr infarmacyi i kultury imia Janki Kupały i Jakuba Kołasa adkryjecca pry Słavianskim univiersitecie Małdovy ŭ Kišyniovie. Pra heta paviedamiŭ staršynia Biełaruskaj abščyny ŭ Respublicy Małdova Jury Statkievič.

Pa infarmacyi Juryja Statkieviča, va univiersitecie biełaruskaj supołcy ŭžo vydzielena pamiaškańnie, jakoje budzie abstalavana adpaviednym čynam paśla kapitalnaha ramontu. Zaraz raspracoŭvajecca płan abstalavańnia centra i składajecca kaštarys vydatkaŭ na ramont.

Płanujecca, što ŭ Biełaruskim centry infarmacyi i kultury buduć pravodzicca zaniatki niadzielnaj škoły dla vykładańnia dzieciam biełaruskaj movy, litaratury, historyi. Tut buduć pradstaŭleny atrybutyka, nacyjanalnyja kaściumy, elemienty falkłoru, knihi, suvieniry, inšyja ekspanaty, jakija dapamohuć paznajomić dziaciej i darosłych z historyjaj i kulturaj biełaruskaha kraju. U centry raźmieścicca i biblijateka Biełaruskaj abščyny Małdovy. Tut ža płanuje pravodzić svaje pasiadžeńni jaje Saviet.

Abstalavańnie Centra infarmacyi i kultury budzie vieścisia pry padtrymcy Pasolstva Respubliki Biełaruś u Małdovie, Ministerstva kultury Respubliki Biełaruś, Minharvykankama, a taksama administracyi Partyzanskaha rajona Minska, ź jakoj u Biełaruskaj abščyny ŭ Małdovie padpisana pahadnieńnie ab supracoŭnictvie.

Pa damoŭlenaści sa Słavianskim univiersitetam, namieśnik staršyni Savieta Biełaruskaj abščyny ŭ Małdovie, viadomy mastak-biełarus, jaki pražyvaje ŭ Małdovie, Viačasłaŭ Ihnacienka budzie čytać studentam VNU lekcyi nie tolki pa vyjaŭlenčym mastactvie, ale i pa historyi biełaruskaj movy, kultury.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?