Staršynia kamiteta budaŭnictva i inviestycyj Minharvykankama Alaksandr Damienikan zajaviŭ, što ŭ nastupnym hodzie ŭ Minsku płanujecca pabudavać 1 miljon kvadratnych mietraŭ žylla. Pa jaho słovach, 500 albo 600 tysiač kvadratnych mietraŭ ź ich budzie pabudavana dla hramadzianaŭ, jakija stajać u čarzie na palapšeńnie žyllovych umovaŭ.

«Kolkaść ilhotnikaŭ budzie skaračacca, a ŭ suviazi z vysokimi staŭkami bankaŭskich kamiercyjnych kredytaŭ ludziam budzie składana ŭziać ich na žyllovaje budaŭnictva», — miarkuje Daminikan.

Jon taksama adznačyŭ, što budzie raści i košt budaŭnictva. «Našy raźliki pakazvajuć, što košt kvadratnaha mietra ŭ rajonie 6 młn. — heta aptymistyčny košt. Ja dumaju, što košt budzie farmavacca ŭ rajonie 900 dalaraŭ u ekvivalencie», — skazaŭ staršynia kamiteta.

$900 zaraz — heta kala 8 miljonaŭ rubloŭ.

Jašče ŭ pačatku hetaha hoda UKSy prasili pa 1,8-2,1 miljona rubloŭ za kvadratny mietr. Heta było kala $600-700 pa tahačasnym kursie. I ciapier vyjaŭlajecca, što budaŭnictva padaražeła navat u dalaravym ekvivalencie.

Kali pa $900 buduć brać za mietr ź ilhotnikaŭ, to kolki tady daviadziecca zapłacić astatnim biełarusam?

Pry ciapierašnich zarobkach navat dla taho, kab pabudavać try kvadratnych mietry (vannu z tualetam) daviadziecca pracavać hod,
nie vydatkoŭvajučy hrošy ni na što inšaje.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?