Biełaruś inicyjuje admienu zabarony na paŭtornaje vykarystańnie šklanych butelek dla raźlivu ałkaholnaj pradukcyi, zaćvierdžanaj techničnym rehłamientam Mytnaha sajuza "Ab biaśpiecy ŭpakoŭki" 16 žniŭnia 2011 hoda. Pra heta zajaviŭ načalnik upraŭleńnia abychodžańnia z adchodami Minpryrody Siarhiej Kuźmiankoŭ.

Pavodle jaho słoŭ, płanujecca dabicca admieny zabarony da ŭstupleńnia techrehłamientu ŭ siłu 14 červienia 2012 hoda. Adpaviednaje daručeńnie dadziena ŭradam Dziaržaŭnamu kamitetu pa standartyzacyi. Prapanova biełaruskaha boku pa ŭniasieńni źmianieńniaŭ u techrehłamient budzie razhledžana na 15-m pasiadžeńni kaardynacyjnaha kamiteta pa techničnym rehulavańni, prymianieńni sanitarnych, vieterynarnych i fitasanitarnych mier pry Kamisii Mytnaha sajuza, jakoje projdzie 22—23 listapada ŭ Maskvie.

Jak zajaviŭ Kuźmiankoŭ, u vypadku zachavańnia zabarony Biełaruś sutykniecca z surjoznymi ekałahičnymi vyklikami. U pryvatnaści, značna,

na 40—50%, uzraście abjom adchodaŭ i spažyvańnie piarvičnych resursaŭ.

Aprača taho, jak zajaviła hałoŭny śpiecyjalist pa šklanoj pramysłovaści Minbudarchitektury Taćciana Vaškievič, mahutnaści škłatarnych zavodaŭ Biełarusi nie dazvolać u poŭnaj miery zadavolić patrebnaści charčovych, vinarobčych i likioraharełačnych zavodaŭ. U Biełarusi ŭ hod vypuskajecca 700 młn. štuk paŭlitrovych butelek, a ŭ vypadku pryniaćcia rehłamientu tolki adnych butelek dla pivavarnaj haliny spatrebicca prykładna 600 młn. štuk, vina-harełačnaj — jašče 700—800 młn. Pavodle jaje słoŭ, naroščvańnie mahutnaściaŭ biełaruskich škłatarnych zavodaŭ z-za niedachopu srodkaŭ ujaŭlajecca prablematyčnym. Jak vynik, pavialičycca impartny składnik biełaruskaj pradukcyi.

Staršynia Asacyjacyi narychtoŭščykaŭ i pierapracoŭščykaŭ adchodaŭ pry Respublikanskaj kanfiederacyi pradprymalnikaŭ Michaił Sčasny zaznačyŭ, što

z-za zabarony letam 6 tys. čałaviek, jakija pracujuć u pryjomnych punktach škłatary, straciać pracu.
Jon padkreśliŭ, što paŭtornaje vykarystańnie škłatary biaśpiečnaje dla zdaroŭja: siońnia dla apracoŭki viernutaj butelki prymianiajucca ŭltrahukavyja mašyny, jakija niejtralizujuć praces vyščałačvańnia.

Kiraŭnik kampanii Hrynpis Rasii pa taksičnych rečyvach Alaksiej Kisialoŭ paviedamiŭ, što

zabarona była prałabiravanaja kampanijaj "Rusdžam", jakaja źjaŭlajecca adnym z najbujniejšych vytvorcaŭ šklanych butelek u Rasii.
Jaho realizacyja, aprača ekałahičnych nastupstvaŭ, pryviadzie da padaražańnia ałkaholnaj pradukcyi prykładna na čverć.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?