Tadžykistan płanuje nakiravać svaich pracoŭnych mihrantaŭ, jakija departujucca z Rasii, u Biełaruś. Pra heta zajaviŭ kiraŭnik Mihracyjnaj słužby pry ŭradzie Tadžykistana Safiało Dzievanajeŭ.

«Nam nie treba bajacca departacyi našych pracoŭnych mihrantaŭ z RF, tamu što adkryta daroha pracoŭnaj mihracyi ŭ Biełaruś, — skazaŭ jon. — 

My źbiarem departavanych i adpravim ich u Biełaruś».

Nahadajem, što ŭ kastryčniku hetaha hoda pa vynikach vizitu prezidenta Alaksandra Łukašenki ŭ Tadžykistan było padpisana mižuradavaje pahadnieńnie ab pracoŭnaj dziejnaści hramadzian dźviuch krain.

Tema nielehalnaj mihracyi apynułasia ŭ centry ŭvahi hramadstva i ŚMI ŭ Rasii paśla taho, jak sud u Tadžykistanie 8 listapada pryhavaryŭ rasijskaha lotčyka Uładzimira Sadaŭničaha i jaho estonskaha kalehu Alaksieja Rudenku da 8,5 hoda pazbaŭleńnia voli, pryznaŭšy ich vinavatymi ŭ kantrabandzie, niezakonnym pierasiačeńni miažy i parušeńni praviłaŭ palotaŭ. U Rasii pryhavor nazvali palityčna matyvavanym i paabiacali miery ŭ adkaz.

Praź niekalki dzion kiraŭnik Fiederalnaj mihracyjnaj słužby RF Kanstancin Ramadanaŭski paviedamiŭ pra zatrymańnie ŭ Maskvie za parušeńnie mihracyjnaha zakanadaŭstva 134 hramadzian Tadžykistana i padrychtoŭku da vysyłki na radzimu jašče prykładna 100 tadžykaŭ, jakija raniej učynili pravaparušeńni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?