Rasijski piśmieńnik Zachar Prylepin trapiŭ u čarhovy skandał — ciapier jahonuju tvorčaść pravierać na najaŭnaść ekstremizmu.

Nižaharodskaje adździaleńnie moładzievaha ruchu «Novyja ludzi» padaje ŭ Ministerstva justycyi Rasii list, u jakim prosić pravieści ekśpiertyzu ramanaŭ «Sańkia» i «Čornaja małpa» na najaŭnaść ekstremisckich vykazvańniaŭ. Moładzievyja aktyvisty prajšlisia pa dziciačych biblijatekach, supracoŭniki jakich vykazali sumnieŭ u pravilnaści taho, što knihi Prylepina jość u ich fondach.

Sam Prylepin stavicca da takoj inicyjatyvy iranična: «Viadoma,

u ramanie „Sańkia“ zaklikajuć utapić prezidenta ŭ Vołzie.
Nu i što, što ŭ dziciačych biblijatekach lažać hetyja knihi? Tam lažyć „Kapitanskaja dačka“, dzie jość simpatyčny teraryst Jemieljan Puhačoŭ, „Taras Bulba“ — pa sutnaści, sieparatysty zachoplivajuć vioski, hvałciać i zabivajuć žančyn, raman „Maci“ Alaksieja Maksimaviča Horkaha — etničny,
a jość raman pra zabojcu Raskolnikava.
Ich taksama ŭsich varta zabaranić, vyvieści z školnaj prahramy i dzieciam nie pakazvać ni ŭ jakim razie», — piša Prylepin na sajcie «Mnienija.ru».

Heta nie pieršaja «ekstremisckaja» hamarnia ŭ rasijskaj litaratury za apošni čas. Zusim niadaŭna takim čynam «praviarali» tvorčaść Barysa Akunina. A 

pradstaŭniki pravasłaŭnaj carkvy prapanavali «pravieryć» tvory Nabokava i Markiesa na pradmiet piedafilii i parnahrafii.

Zachar Prylepin ličycca adnym z samych jaskravych sučasnych rasijskich piśmieńnikaŭ, jahony raman «Hrech» byŭ pryznany knihaj dziesiacihodździa, a inšyja ramany atrymlivali premii «Nacyjanalny biestsieler» i «Rasiejski bukier».

Prylepin trymlivajecca apazicyjnych da rasijskaj ułady pohladaŭ. U pryvatnaści, jon arhanizatar «Maršaŭ niazhodnych»
u Nižnim Noŭharadzie, a taksama siabar Nacyjanalna-balšavickaj partyi Rasii.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?