U vioscy Jaromina Homielskaha rajona znojdziena truna z astankami pravasłaŭnaha śviatara. Mahiła była vyjaŭlena vypadkova, kali ŭ dvary miascovaha mahazina kapali jamu, paviedamili u Jarominskim sielskim vykankamie.

Rabotniki mahazina vyrašyli zakapać ablaciełaje liście i pry hetym znajšli vialiki mietaličny pradmiet. Vyklikali milicyju i pradstaŭnikoŭ miascovych uład. Pradmietam akazałasia truna. Nastajaciel jarominskaha pravasłaŭnaha chrama vyznačyŭ, što heta mahiła śviatara i jana adnosicca, chutčej za ŭsio, da darevalucyjnaha pieryjadu. U toj čas tut stajała carkva, zamiest jakoj u savieckija hady byŭ pabudavany kłub. Terytoryja, dzie znojdziena mahiła, była carkoŭnym dvarom.

Niekalki hadoŭ tamu na hetym učastku była znojdziena truna ź ciełam manaški. Jaje prach pierapachavali ŭ dvary ciapierašniaj carkvy. Hetak ža vyrašyli zrabić z mahiłaj śviatara. Truna ź jaho astankami pierapachavana kala budynka chrama.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?