AAT «Motavieła» upieršyniu za svaju historyju pradstaviła matacykł Minsk na mižnarodnym motosałonie EICMA-2011 u Miłanie (Italija). Prezientacyja prajšła na stendzie italjanskich partnioraŭ, ź jakimi pracuje AAT «Motavieła».

Pieršaj madellu, abranaj dla vychadu na jeŭrapiejski rynak, staŭ «Minsk M4 200» — kłasičny matacykł, stvorany ŭ styli 50-ch hadoŭ XX stahodździa. Madel raspracavana ŭ supracoŭnictvie ź biełaruskim kastamajzieram Juryjem Šyfam. Pry hetym madel maje sučasnuju načynku. Ustalavany mator vyrableny pa licenzii sieryi ruchavikoŭ Honda CB. Mahutnaść ruchavika składaje 13,5 konskich sił. Raschod paliva — 3 ł na 100 km, vaha — 115 kh. Zajaŭlenaja cana na jeŭrapiejskim rynku — kala 2 tysiač jeŭra.

U AAT «Motavieła» paviedamili, što pa vynikach italjanskaj vystavy možna budzie havaryć ab chutkim pačatku prodažaŭ dadzienaj madeli ŭ Jeŭropie i vypusku śpiecyjalnaj viersii z abjomam ruchavika 125 kub. sm dla taho, kab madel była dastupnaja jeŭrapiejcam, jakija majuć paśviedčańni kiroŭcy katehoryi V.

Marka matacykła «Minsk» stvorana ŭ 1951 hodzie. Za ŭsiu historyju brenda motatechnika pastaŭlałasia bolš čym u 45 krain śvietu, za 60 hadoŭ vyrablena zvyš 6,5 młn matacykłaŭ.

Minski matacykletny i viełasipiedny zavod stvorany ŭ listapadzie 1945 hoda, u 1999 hodzie pieraŭtvorany ŭ adkrytaje akcyjaniernaje tavarystva. Pradpryjemstva vypuskaje roznyja madeli viełasipiedaŭ, matacykły darožnyja, spartyŭnyja, hruzavyja motakalaski, a taksama viełapryčepy, viełatrenažory, invalidnyja kalaski, zapasnyja častki da matacykłaŭ i rovaraŭ. Paśla pieryjadu finansavych ciažkaściaŭ, źviazanych z projhryšam u kankurencyi kitajskim vytvorcam i strataj azijackich rynkaŭ, «Motavieła» pieražyło balučuju pryvatyzacyju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?