«Biełtranshaz» mohuć pradać 25 listapada

AAT «Hazprom» płanuje zaklučyć kantrakty na pastaŭku hazu ź Biełaruśsiu 25 listapada, paviedamiŭ žurnalistam 21 listapada ŭ Minach (Leninhradskaja vobłaść) namieśnik staršyni praŭleńnia «Hazproma» Valeryj Hołubieŭ.

«Dakumienty ŭsie hatovyja. Tamu ŭsie pytańni vyrašym 25 čysła», — cytuje Hołubieva RIA Novosti. Pavodle jaho słoŭ, razmova idzie ab padrychtoŭcy dvuch mižuradavych pahadnieńniaŭ — ab kupli 50% akcyj «Biełtranshazu» i ab pryncypach utvareńnia cany na haz i taryfaŭ tranzitu.

Adnačasova buduć padpisanyja kantrakty na pastaŭku hazu i jaho tranzit cieraź Biełaruś. Praduhledžvajecca, što pahadnieńni buduć padpisanyja premjerami Biełarusi i Rasii.

Termin dziejnaha kantrakta pamiž «Hazpromom» i «Biełtranshazam» zakančvajecca 31 śniežnia 2011 hoda. Mierkavanaja dziejnym kantraktam hazavaja formuła praduhledžvała panižalnyja kaeficyjenty da cany na 2008–2010 hady (0,67, 0,8 i 0,9 adpaviedna) z vychadam na rynačnuju canu ŭ 2011 hodzie.

Adnak u žniŭni hetaha hoda prem'jer-ministr Rasii Uładzimir Pucin daručyŭ Minenierha i «Hazpromu» vyznačyć vieličyniu panižalnaha kaeficyjenta cany na haz dla Biełarusi z 2012 hoda. Pavodle słoŭ Pucina, uviadzieńnie takoha kaeficyjenta abumoŭlena intehracyjaj u miežach Mytnaha sajuza i ŭviazana z pytańniem nabyćcia «Hazpromam» druhoj pałovy «Biełtranshaza» (zaraz «Hazprom» vałodaje 50% akcyj «Biełtranshaza»).

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH