Auf Wiedersehen, Herr Stange! — fotarepartaž 2

Biernd Štanhie i staršynia fiederacyi futboła Siarhiej Rumas.

Hier Štanhie apošni raz uvachodzić u svoj kabiniet.

Biernd Štanhie na siońniašniaj pres-kanfierencyi padvioŭ vyniki svajho znachodžańnia ŭ styrna nacyjanalnaj zbornaj Biełarusi (ź lipienia 2007 h.).

«Usim dziakuj za čatyry z pałovaj hady sumiesnaj pracy, za dapamohu i padtrymku. Na žal, za hetyja hady nam nie ŭdałosia vykanać metu, pastaŭlenuju fiederacyjaj [zaniać 2-je miesca ŭ hrupie Jeŭra-2012].

Heta vina trenierskaha štaba i kožnaha asobna ŭziataha hulca zbornaj. Tym nie mienš, byŭ ruch napierad.

Nam udałosia dać impuls maładoj dvaccacihadovaj fiederacyi.

Ci moža biełaruski trenier ŭznačalić zbornuju? U Biełarusi jość šmat maładych, talenavitych trenieraŭ. Ja nie mahu kaho-niebudź ź ich rekamiendavać fiederacyi. Adzinaje, skažu, što biełaruskaj zbornaj patrebien trenier z ahniom u serca, jaki vałodaje charyzmaj.

Kim było pryniata rašeńnie ab razryvie našych adnosin? Prosta-prosta skončyŭsia moj kantrakt. Ja prapracavaŭ tut čatyry z pałovaj hady, heta prystojny termin. Kolki trenieraŭ u Jeŭropie prabyli na svajoj pasadzie stolki ž času? Nie tak užo i šmat.

Viadoma, byli i pamyłki z majho boku, nichto bieź ich nie abychodzicca.

U kožnaj hulni byli rečy, jakija možna było b zrabić lepš. Ale samaje važnaje — my abrali svaju liniju i vyrazna jaje prytrymlivalisia. Heta było pravilna», — cytuje słovy Štanhie Goals.by.

***

Biernd Štanhie ŭznačaliŭ zbornuju Biełarusi ŭ lipieni 2007 h. i pad jaho kiraŭnictvam zbornaja praviala 49 aficyjnych i tavaryskich matčaŭ.

Adboračny turnir da čempijanatu śvietu 2010 hoda zbornaja zavieršyła na 4-m miescy z 13 bałami (4 pieramohi, 1 ničyja, 5 parazaŭ, roźnica miačoŭ 19–14). Pieršyja try miescy zaniali: Anhlija (27 bałaŭ), Ukraina (21), Charvatyja (20). Zbornaja Biełarusi apiaredziła Kazachstan (6), Andoru (0).

U adboračnym turniry da čempijanatu Jeŭropy 2012 hoda Biełaruś finišavała taksama na 4-m miescy i taksama z 13 bałami: 3 pieramohi, 4 ničyi, 3 parazy, roźnica miačoŭ 8–7. Pieršyja try miescy zaniali: Francyja (21), Bośnija (20), Rumynija (14). Padapiečnyja Štanhie apiaredzili Ałbaniju (9) i Luksiemburh (4).

U adboračnym turniry da čempijanatu śvietu 2014 hoda zbornaja Biełarusi, jakoj ciapier budzie kiravać novy trenier, vystupić u adnoj hrupie z čempijonami śvietu 2010 hoda i Jeŭropy 2008 h. zbornaj Ispanii, a taksama Francyjaj, Finlandyjaj i Hruzijaj.

Fotarepartaž Siarhieja Hudzilina

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH