Rasija rasparadžajecca Biełaruśsiu, jak Krasnadarskim krajem 38

Pra heta paviedamiła ahienctvu Interfaks vajskova-dypłamatyčnaja krynica ŭ Maskvie.

«Iskandery» raniej płanavałasia raźmiaścić tolki ŭ Kalininhradskaj vobłaści. Ciapier razhladajecca mahčymaść raźmiaščeńnia hetych kompleksaŭ u Biełarusi i Krasnadarskim krai. Heta daść mahčymaść paryravać pahrozy stratehičnym jadziernym siłam Rasiei ŭ vypadku razhortvańnia elemientaŭ PRA ZŠA pablizu našych miežaŭ», — skazała krynica.

Pavodle jaho słoŭ, vajenna-techničnyja miery ŭ adkaz mohuć uklučać u siabie pašyreńnie mahčymaściaŭ rasijskaj sistemy PRA apieratyŭna-taktyčnaha źviana, aktyvizacyju rabot pa stvareńni Pavietrana-kaśmičnaj abarony i ŭzmacnieńnia kaśmičnaha siehmienta rasijskaj sistemy papiaredžańnia ab rakietnym napadzie.

«Iskander» (pa kłasifikacyi ZŠA i NATO SS-26 Stone) — siamiejstva apieratyŭna-taktyčnych rakietnych kompleksaŭ: Iskander, Iskander-E, Iskander-K. Kompleks raspracavany ŭ Kałomienskim KB mašynabudavańnia (KBM). Upieršyniu «Iskander» prademanstravali ŭ 1999 hodzie.

Pryznačany dla paražeńnia małapamiernych i vuličnych celaŭ. Miarkujecca, što moža być srodkam dastaŭki taktyčnaj jadziernaj zbroi.

Pryznačany, kab bić pa srodkach ahniavoha paražeńnia (rakietnyja kompleksy, reaktyŭnyja sistemy załpavaha ahniu, dalnabojnaja artyleryja), sistemach PRA, samalotach i viertalotach, a taksama abjektach hramadzianskaj infrastruktury.

Maksimalnaja adlehłaść paražeńnia mety:

500 km dla Iskander-K,

280 km dla Iskander-E.

Trajektoryja ruchu rakiety kvazibalistyčnaja.

Rasiejcy śćviardžajuć, što rakieta vyrablena z užyvańniem technałohij panižanaj radyjołakacyjnaj prykmietnaści (anałah technałohii krain NATO «Stełs»). Bolšaja častka palotu prachodzić na vyšyni kala 50 km. Rakieta viadzie intensiŭnaje manieŭravańnie.

Hruzija śćviardžała, što Rasija ŭžyvała «Iskandery» ŭ časie kanfliktu 2008 hoda. Adnak dokazaŭ takomu śćviardžeńniu niama. «Iskandery» — mahutnaja zbroja, zdolnaja mianiać stratehičny bałans siłaŭ.

0

0

0

0

0

0

MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH