Urad Jehipta na čale z premjer-ministram Isamam Šarafam padaŭ u paniadziełak viečaram u adstaŭku z-za niaspynnych krovapralitnych biesparadkaŭ u Kairy.
Ciapier prašeńnie ab adstaŭcy razhladaje kirujučaja ŭ krainie Najvyšejšaja rada ŭzbrojenych siłaŭ.
Biesparadki na płoščy Tachryr ŭ Kairy, u jakich prymajuć udzieł dziasiatki tysiač ludziej, usio jašče praciahvajucca. U vychadnyja armija niekalki razoŭ sprabavała razahnać z płoščy Tachryr demanstrantaŭ, užyŭšy humovyja kuli.
Padčas lutych sutyčak palicyi z prysutnymi za apošnija try dni zahinuli 35 čałaviek.
Kolkaść paciarpiełych nabliziłasia da dźviuch tysiač čałaviek.
Hałoŭnym patrabavańniem pratestoŭcaŭ była chutkaja pieradača ŭłady ad vajennych hramadzianskim. Tysiačy ludziej patrabujuć adstaŭki nie tolki kabinieta ministraŭ, ale i vajennaj rady, jakaja kiruje krainaj z momantu adstaŭki eks-prezidenta Chośni Mubaraka ŭ lutym hetaha hoda.
