Fota Auto.onliner.by.
Fota Auto.onliner.by.
Trahiedyja adbyłasia ranicaj 27 listapada na ŭnutranym boku minskaj akružnoj darohi, paviedamlaje Auto.onliner.by.
Pavodle papiarednich źviestak, Volkswagen Golf jechaŭ z boku praśpiekta Pieramožcaŭ u kirunku Daŭhinaŭskaha haścinca. Kala Zacani jon vyjechaŭ za miežy prajeznaj častki i pierakuliŭsia, paviedamiła staršaja inśpiektarka ahitacyi i prapahandy DAI Centralnaha rajona Nastaśsia Cybina. Zahinuli try čałavieki.
Pavodle infarmacyi DAI, za rulom znachodziŭsia małady čałaviek 1991 hoda naradžeńnia. U sałonie taksama jechali jaho siastra (2005 hoda naradžeńnia) i maci (1965 hoda naradžeńnia).
— Kiroŭca i žančyna zahinuli praktyčna adrazu. Za žyćcio dziaŭčynki lekary zmahalisia da apošniaha, ale traŭmy byli zanadta ciažkimi, — raspaviała Cybina.
Pavodle infarmacyi DAI, Volkswagen zvaliŭsia z mosta — prosta kala zajezdu z Zacani na MKAD. Aŭtamabil apynuŭsia na dachu.
Na miesca adrazu vyjechała śledčaja hrupa. Razhladajucca niekalki viersij zdareńnia. Adna ź ich — kiroŭca moh zasnuć za rulom. Pa słovach inśpiektaraŭ, tarmazny šlach adsutničaje. Budzie raspačataja kryminalnaja sprava.
Jak vyśvietliłasia, žančyna pracavała hałoŭnym buchhałtaram Śviata-Jelisaviecinskaha manastyra ŭ Navinkach, jaje syn — tam ža rezčykam pa drevie.
