Pracaŭniki škołaŭ i sadkoŭ zmušanyja pieraličvać adsotki ad svajho zarobku na ramont budynkaŭ.
Padrychtoŭka horadu da
Adnak aproč uźviadzieńnia novych abjektaŭ pa ŭsim horadzie zapłanavany ramont starych budynkaŭ, u tym liku aŭtavakzału, žyłych damoŭ, dziciačych sadkoŭ i škołaŭ. Napiaredadni pracaŭnikam śfiery adukacyi skazali, što jany taksama pavinny paŭdzielničać u ramoncie. «Nas vyklikaŭ dyrektar. Patłumačyŭ, što ŭ horadzie čakajecca bujnoje budaŭnictva, ale ciapier kryzis, tamu žychary Horak taksama pavinny paŭdzielničać ŭ dobraŭparadkavańni, — paviedamiła nastaŭnica haradskoj škoły. — Nam skazali, kab my napisali zajavu: «Prašu, kab z majho zarobku vyličvałasia 3% na ramontnyja pracy».
Sa słovaŭ žančyny, suma heta nievialikaja, ale piedahohaŭ aburyŭ padychod da vyrašeńnia prablemy.«Raniej my pavinny byli vybivać hrošy z baćkoŭ vučniaŭ, ciapier jašče samyja budziem pieraličvać srodki! Prytym, što zarobak nastaŭnika ŭ našaj škole 1,2 młn. rub.», — dadała nastaŭnica. Surazmoŭca adznačaje, što haradžanie ŭsio bolš skieptyčna nastrojenyja da praviadzieńnia śviata. «Ludzi chodziać u kramy, bačać, jak usio daražeje. Našto nam toje śviata? Chaj by lepš zarobki pavysili!» — aburajecca nastaŭnica.
Jurystka Śviatłana Šłoma patłumačyła, što patrabavańnie administracyi škoły — niezakonnaje. «Pa svajoj voli nastaŭniki, niesumnienna, mohuć pieravodzić hrošy na ramont škoły, ale kali ich prymušajuć, treba składać kalektyŭny zvarot u vyšejšyja arhanizacyi — adździeł adukacyi — i vyśviatlać situacyju», — padkreślivaje ekśpiertka.
U adździele adukacyi Horackaha rajvykankama nie kamientujuć situacyi. Č
ynoŭniki admaŭlajuć prablemu i kažuć, što nijakaha zahadu dyrektaram škołaŭ i zahadčykam sadkoŭ nie davali.Kolki buduć kaštavać «Dažynki» biudžetu, a ciapier i žycharam rajcentru, pakul nie vyrašyli. Viadoma, što apošnija «Dažynki», jakija prachodzili ŭ Maładziečnie, kaštavali biudžetu 700 młrd rub.