Situacyju vakoł hramadzianak Ukrainy Iny Šaŭčenki, Aksany Šačko i Alaksandry Niamčynavaj kamientuje były ambasadar Ukrainy ŭ Respublicy Biełaruś Raman Biaśśmiertny.
-- Źjaviłasia navina pra toje, što dziaŭčat učora zachapili ŭ Minsku na vakzale i, paśla šmatlikich pahroz i ździekaŭ, vysadzili ŭ Homielskaj vobłaści ŭ lesie. Jakaja moža być reakcyja ciapierašniaj ukrainskaj dypłamatyi i jak heta moža paŭpłyvać na miždziaržaŭnyja adnosiny?
- Uvohule takija rečy nie mohuć prachodzić biasśledna ŭ cyvilizavanych krainach, pryčym jak z adnaho, tak i z druhoha boku. Ale mnie vielmi ciažka niešta kazać pra reakcyju ciapierašnich uładaŭ Ukrainy z nahody parušeńnia pravoŭ hramadzian Ukrainy na terytoryi i za miežami terytoryi Ukrainy. U samoj Ukrainie jość prablemy z pravami čałavieka. Heta ŭčora było ŭ čarhovy raz paćvierdžana padčas praviadzieńnia samitu Ukraina -- ES, dzie i prezident Jeŭrasajuza Chierman van Rampiej, i prezident Jeŭrakamisii Žaze Manuel Barozu akcentavali ŭvahu na tym, što jość prablemy z pravasudździem, z pravami čałavieka, z svabodaj srodkaŭ masavaj infarmacyi.
-- A adnosna reakcyi hramadzianskaj supolnaści, apazicyi, prostych ukraincaŭ - čaho možna čakać?
-- Što tyčycca staŭleńnia hramadzianskaj supolnaści Ukrainy, lideraŭ apazicyi da režymu Łukašenki -- to Łukašenka ŭžo daŭno sam sabie vystaviŭ dyjahnaz. Usio, što jon robić, usio, što adbyvajecca ŭ Biełarusi, usio heta znachodzicca pa-za miežami čałaviečaha razumieńnia situacyi i niejkich čałaviečych krokaŭ i dziejańniaŭ. I hety
pratest, jaki dziaŭčyny demanstravali, jakraz jość pratest suprać parušeńniaŭ pravoŭ čałavieka, jakija paŭsiul demanstrujucca ŭ Biełarusi režymam Łukašenki.I tut voś u čym sprava: kali b ukrainskaja ŭłada aceńvała režym Łukašenki tak, jak jaho aceńvaje hramadzianskaja supolnaść, viadoma, tady b možna było čakać, što ŭłada budzie abaraniać pravy čałavieka, abaraniać u vypadkach, kali chtości parušaje hetyja pravy. Ale ŭ hetaj situacyi, ja dumaju,
siońnia ŭ Maskvie, dzie sustrenucca dva prezidenty, jany nie buduć nadavać uvahu hetamu vypadku, ja jašče raz kažu,
jany jašče pakul nie bliźniaty ŭ svaich dziejańniach, ale toje, što simptomy Łukašenki ŭ Biełarusi bačnyja va ŭładaŭ Ukrainy, heta vidavočna.