Kulašoŭ praviadzie pasiadžeńnie kalehii MUS pa vynikach 2011 hoda 3

31 studzienia ŭ Minsku adbudziecca pasiadžeńnie kalehii MUS Biełarusi, na jakim buduć razhledžany vyniki dziejnaści orhanaŭ unutranych spraŭ i ŭnutranych vojskaŭ u 2011 hodzie, a taksama zadačy na 2012 hod.

Jak paviedamiła ŭpraŭleńnie infarmacyi i hramadskich suviaziaŭ (UIHS) MUS, mierapryjemstva adkryje ministr unutranych spraŭ Anatol Kulašoŭ. Pierad prysutnymi vystupiać jaho namieśniki i zaprošanyja pradstaŭniki dziaržaŭnych orhanaŭ. Zatym buduć zasłuchany spravazdačy kiraŭnikoŭ terytaryjalnych orhanaŭ unutranych spraŭ, u apieratyŭna-słužbovaj dziejnaści jakich dapuščany praliki, a taksama adznačany nizki ŭzrovień davieru nasielnictva.

Pavodle danych UIHS MUS, u 2011 hodzie ŭ milicyju pastupiła prykładna 425 tysiač zajaŭ i paviedamleńniaŭ, zarehistravana prykładna 132 tysiač złačynstvaŭ (u 2010 hodzie było bolš za 140 tysiač).

Zachavałasia tendencyja źnižeńnia kolkaści ciažkich i asabliva ciažkich vidaŭ złačynstvaŭ suprać žyćcia i zdaroŭja hramadzian, a taksama kryminalna karalnych dziejańniaŭ, učynienych u stanie ałkaholnaha apjanieńnia, u hramadskich miescach i ŭ sielskaj miascovaści. Skaraciŭsia lik achviar złačynstvaŭ i darožna-transpartnych zdareńniaŭ. Adznačajecca pamianšeńnie DTZ, u tym liku ŭčynienych pa vinie pjanych vadzicielaŭ.

Razam z tym pa-raniejšamu značny ŭpłyŭ na stan pravaparadku akazvaje ałkahalizacyja nasielnictva, nasille ŭ siemjach i recydyŭnaja złačynnaść.

Analiz vynikaŭ sacyjałahičnych daśledavańniaŭ, praviedzienych Infarmacyjna-analityčnym centram pry Administracyi prezidenta, pakazaŭ, što 73% nasielnictva krainy adčuvajuć siabie ŭ biaśpiecy, znachodziačysia na vulicy, u hramadskich miescach. Pavodle danych štaba MUS, prykładna 82% apytanych, jakija źviartalisia ŭ milicyju, stanoŭča acanili svoječasovaść atrymanaj dapamohi.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH