Tam Alaksandr Łukašenka, jak paviedamiła jaho
U Biełarusi aficyjny kiraŭnik dziaržavy adsutničaje samaje mała tydzień (23 studzienia Łukašenka pravioŭ sustreču ź Miadźviedzievym u Sočy). Značyć, jak minimum tydzień nie chodzić na zaniatki i školnik Kola Łukašenka. Toje, što jon z tatam u Sočy, stała zrazumieła 29 studzienia ź siužetu telekanała «Biełaruś 1». Žurnalisty paviedamili ab bliskučaj pieramozie tenisistki Viktoryi Azaranki na Adkrytym čempijanacie Aŭstralii i dadali, što «viestku ab pieramozie Viktoryi Azaranka zaśpieła Alaksandra Łukašenku ŭ maroznym Sočy. Łukašenka ciopła pavinšavaŭ pieramožcu i padniaŭ u jaje honar kubak haračaj harbaty». Na videa pobač z Alaksandram Łukašenkam byŭ jaho małodšy syn Mikałaj.
Jak viadoma, z 1 vieraśnia ŭ Biełarusi dziejničaje novy Kodeks ab adukacyi. U dakumiencie jość ceły raździeł, pryśviečany «dyscyplinarnaj adkaznaści navučencaŭ».
U im, u pryvatnaści, skazana, što atrymać pakarańnie školnik moža za «spaźnieńnie abo niajaŭku na ŭroki biez uvažlivaj pryčyny». I heta pakarańnie moža być u vyhladzie zaŭvahi, vymovy i navat adličeńnia sa škoły.
Abo Ministerstva adukacyi ŭniasie ŭ Kodeks ŭdakładnieńnie, što adpačynak razam z tatam — heta ŭvažlivaja pryčyna dla adsutnaści na ŭrokach?
