Leanid Farmahiej trapiŭ u balnicu 4

Siamja byłoha načalnika HUUS Minharvykankama hienierał-majora milicyi Leanida Farmahieja nie kamientuje infarmacyju ab jaho sychodzie z orhanaŭ unutranych spraŭ. «Biez kamientaroŭ», — zajaviła žonka byłoha vysokapastaŭlenaha milicejskaha čynoŭnika. Pavodle jaje słoŭ, muž zaraz znachodzicca ŭ balnicy.

Infarmacyja pra toje, što Farmahiej napisaŭ rapart ab zvalnieńni pa stanie zdaroŭja, źjaviłasia ŭ internecie 30 studzienia.

Nahadajem, Leanid Farmahiej słužyć u orhanach unutranych spraŭ z 1983 hoda.

Apošniaja pasada — namieśnik načalnika Akademii MUS pa strajavoj častcy. Z 29 žniŭnia 2008 hoda pa 27 červienia 2011 uznačalvaŭ staličnuju milicyju.

Da hetaha źjaŭlaŭsia načalnikam UUS Viciebskaha abłvykankama. Słužyŭ u centralnym aparacie milicyi hramadskaj biaśpieki MUS, uznačalvaŭ respublikanskuju Dziaržaŭtainśpiekcyju.

Ad pasady načalnika HUUS Minharvykankama Farmahiej byŭ vyzvaleny ukazam Łukašenki №268 ad 27 červienia 2011 h. U efiry telekanała ANT u hety dzień było abvieščana: «Leanid Farmahiej ŭ svoj čas uznačalvaŭ UUS Viciebskaha abłvykankama, a taksama staličnuju milicyju.

Jon nie zmoh zabiaśpiečyć efiektyŭnaje rasśledavańnie vybuchaŭ u Viciebsku i Minsku. Bolš taho, nie atrymałasia jamu stvaryć i efiektyŭnyja ŭmovy achovy minskaj «padziemki».

U svaju čarhu heta stvaryła ŭmovy dla ździajśnieńnia teraktu na stancyi «Kastryčnickaja».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH