5 hadoŭ tamu abarvałasia spartovaja karjera Dźmitryja Raka. Padčas treniroŭki na etapie Kubka śvietu ŭ kitajskim horadzie Cziliń
Pa słovach maci Dźmitryja, uznaŭleńnie spartsmiena praciahvajecca dahetul.
«Nu, što pra heta kazać? Nie viedaju, — uzdychaje Lidzija Rak. — Nam treba lačycca, uznaŭlacca. My zaraz ničoha kazać nie budziem, my jedziem ź Dzimam na lačeńnie».
Lačebny kurs praciahniecca miesiac. Pa słovach Lidzii Rak, siamja Dźmitryja apłaciła jaho samastojna.
«Jon nie idzie na papraŭku, — raspaviadaje siabra Dźmitryja Raka, słavuty biełaruski frystajlist Alaksiej Hryšyn. — Ale baćka jaho nie choča pra heta razmaŭlać, i maci taksama».
Pa słovach Hryšyna, apošnim časam baćki Raka zastałasia amal biez dapamohi.
Letaś frystajlist na svoj strach i ryzyku zładziŭ akcyju «Hieorhijeŭskaja stužka», prybytki ad jakoj musili pajści ŭ fond dapamohi23 lutaha 2011 hodaspartoŭcam-invalidam .
Hryšyn pakul što nie źbirajecca spyniać akcyju i spadziajecca, što ludzi ŭsio ž taki padtrymajuć spartsmienaŭ, jakija achviaravali zdaroŭjem dla vysokich spartovych dasiahnieńniaŭ našaj krainy.
U adkaz na pytańnie: kali vy apošni čas kłapacilisia pra zdaroŭje Dźmitryja Raka — ad frystajlistaŭ i trenieraŭ najčaściej čuješ prysłoŭje «na žal».
«Ja doŭhi čas užo, na žal, nie sustrakaŭsia ź im i nie razmaŭlaŭ. Zabiehaŭsia tut… Dy i viadziem my zaraz padrychtoŭku da surjoznych mierapryjemstvaŭ. A moža, i varta było b lišni raz pacikavicca, jak tam…», — sumieŭsia trenier nacyjanalnaj kamandy frystajlistaŭ Anatol Pastuchoŭ.
Redka zahladaje da Dźmitryja Raka i Alaksiej Hryšyn:
«U mianie, na žal, nie časta atrymlivajecca ź im bačycca.
Pa słovach Hryšyna, ciažkaje i strašnaje ŭražańnie historyja Dźmitryja Raka robić na maładych spartoŭcaŭ:
«Na žal, u nas voś tak. Ja nie viedaju, kudy hladziać čynoŭniki. Jany ž razumiejuć, što navokał adny spartoŭcy. Tyja, chto sportam prafiesijna zajmajecca, usio heta bačać. I razumiejuć, što, nie daj Boža, z kožnym moža niešta adbycca. I takoje ž staŭleńnie budzie da ich taksama… Viedajecie, jak heta byvaje: bałałajka kali hraje — usio dobra. A kali struna parvałasia — jaje ŭ bok adkłali, i novuju ŭziali…
Voś u mianie zaraz prablema sa śpinaj. I kali ja apošni raz źviarnuŭsia ŭ Ministerstva sportu i turyzmu, kab mianie nakiravali na lačeńnie na Narač, mnie adkazali prykładna nastupnaje:
«Dyk ty ž zarobak atrymlivaješ! Heta admysłova tabie na leki, na lačeńnie».
Pa słovach Anatola Pastuchova, jaki sumiaščaje trenierskuju pracu z pasadaj sakratara Fiederacyi frystajła, niejkaja dapamoha ad dziaržavy Dźmitryju Raku ŭsio ž pastupaje. Apošnija dakumienty na hety kont jon bačyŭ uvosień.
