Biełaruś i Kitaj dasiahnuli «nadzvyčajnych vynikaŭ» u raźvićci ŭzajemaadnosinaŭ. Pra heta zajaviŭ staršynia Savieta Respubliki Nacyjanalnaha schodu Anatol Rubinaŭ na sustrečy z novym pasłom Kitaja ŭ Biełarusi Hun Cziańvejem 5 krasavika ŭ Minsku.

Rubinaŭ zaznačyŭ, što niadaŭna spoŭniłasia 20 hadoŭ z momantu ŭstanaŭleńnia dypłamatyčnych adnosinaŭ pamiž Biełaruśsiu i Kitajem. «Za hety pieryjad atrymany nadzvyčajnyja vyniki. Tavaraabarot pamiž krainami pavialičyŭsia ŭ 100 razoŭ (pa vynikach 2011 hoda jon skłaŭ 3,01 młn. dołaraŭ. — BiełaPAN.). Isnujuć sumiesnyja ekanamičnyja prajekty. My ŭdziačnyja Kitaju za adkryćcio kredytnych linij dla Biełarusi na 16 miljardaŭ dołaraŭ», — pieraličyŭ kiraŭnik vierchniaj pałaty parłamienta.

Pavodle słoŭ Rubinava, pa abaviazku słužby jamu davodzicca časta sustrakacca z zamiežnymi pasłami, delehacyjami zamiežnych dziaržaŭ. «Ale zaŭsiody samaj pryjemnaj źjaŭlajecca sustreča z pradstaŭnikami Kitaja. Heta blizkaja, braterskaja dla nas kaina, ź jakoj u nas skłalisia ciesnyja ekanamičnyja, palityčnyja, čysta družalubnyja adnosiny», — skazaŭ jon.

Na dumku staršyni Savieta Respubliki, u Biełarusi i Kitaja skłalisia dobryja adnosiny pa dźviuch pryčynach. Pa-pieršaje, zaznačyŭ jon, «narodam dźviuch krain davodziłasia pieraadolvać šmat ciažkaściaŭ u svajoj historyi, a dasiahnieńnie ich pośpiechaŭ adbyvałasia dziakujučy pracy i prystojnaści». Pa-druhoje, važnym źjaŭlajecca «ŭstanaŭleńnie ciesnych daviaralnych adnosinaŭ pamiž kiraŭnikami dziaržaŭ», padkreśliŭ Rubinaŭ.

Jon vykazaŭ upeŭnienaść u plonnaj pracy novaha pasła Kitaja ŭ Biełarusi. «Kitajcy nie mohuć pracavać drenna. Jany zaŭsiody davodziać da kanca pačatuju spravu», — zajaviŭ kiraŭnik vierchniaj pałaty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?