U Muziei sučasnaj biełaruskaj dziaržaŭnaści, jaki maje adčynicca ŭ Minsku ŭ červieni, siarod ekspanataŭ budzie bieł-čyrvona-bieły ściah i hierb «Pahonia», paviedamiŭ zahadčyk muzieju Siarhiej Biaspanski.
«Zrazumieła, paśla adkryćcia ŭsio pabačycie. My abapirajemsia tolki na histaryčnyja fakty. Tam i "Pahonia", i bieł-čyrvona-bieły ściah, i sučasnaje, usio jość. Usio ad 90-ch hadoŭ, ad abviaščeńnia niezaležnaści našaj krainy. My — filijał Nacyjanalnaha histaryčnaha muzieja i staim na pazicyjach histaryzmu. Heta muziej XXI st. Takoha kštałtu muziejaŭ u Biełarusi nie było».
Muziej budzie raźmiaščacca ŭ budynku na Kirava, 43, jaki prymykaje da administracyi prezidenta (były budynak Nacyjanalnaha archiva -- NN).
Zahadčyk muzieju Siarhiej Biaspanski raniej zahadvaŭ Domam-muziejem I źjezdau RSDRP.
