Sud nad žonkaj viciebskaha aktyvista Siarhieja Kavalenki Alenaj, jaho stryječnym bratam Kanstancinam i aktyvistkaj hramadzianskaj kampanii «Jeŭrapiejskaja Biełaruś» Alenaj Siemienčukovaj praciahniecca 30 maja.
«Sudździa Kastryčnickaha rajona Viciebska pieraniesła pasiadžeńnie, kab dapytać supracoŭnikaŭ milicyi, jakija nas zatrymlivali», — paviedamiła BiełaPAN Alena Kavalenka.
Žonka i stryječny brat Kavalenki, a taksama Siemienčukova byli zatrymanyja ranicaj 18 maja za toje, što napisali na asfalcie pierad budynkam abłasnoha suda «Svabodu Siarhieju Kavalenku!». Usich troch abvinavačvajuć pavodle artykuła 17.1 Kodeksa ab administracyjnym pravaparušeńni (drobnaje chulihanstva).
Jak paviedamlałasia, 18 maja Viciebski abłasny sud adchiliŭ kasacyjnuju skarhu Siarhieja Kavalenki na pryhavor suda Pieršamajskaha rajona Viciebska.
Nahadajem, 27 lutaha sud pad staršynstvam Aleny Žuk pryznaŭ Siarhieja Kavalenku vinavatym va ŭchileńni ad adbyvańnia pakarańnia ŭ vyhladzie abmiežavańnia voli (art. 415 KK). Havorka idzie pra pakarańnie, vyniesienaje apazicyjanieru ŭ mai 2010 hoda za vyviešvańnie
