Nabyŭ moc prysud u dačynieńni da troch žycharoŭ Łuninieckaha rajona i dvuch žycharoŭ Słucka za ŭčynieńnie kradziažu ŭ asabliva bujnym pamiery.

Jak paviedamiŭ namieśnik načalnika adździeła prakuratury Bresckaj vobłaści Hienadź Bury, u noč na 7 listapada 2011 hoda

asudžanyja pryjechali na dvuch mikraaŭtobusach i adnym minivenie da mahazina ŭ vioscy Cierabień Pinskaha rajona.

Spačatku jany adklučyli śviatło ŭ handlovym abjekcie, kab nie spracavała sihnalizacyja, zatym uzłamali ŭvachodnyja dźviery mahazina, pranikli tudy i skrali tavary na 49 młn. rubloŭ.

Złodziei skrali mikrachvalevuju pieč, pralnuju mašynu-aŭtamat, pradukty charčavańnia, ałkaholnyja vyraby, cyharety, kastruli, paścielnuju bializnu, a taksama marazilnik i chaładzilnik, što vykarystoŭvalisia ŭ jakaści handlovaha abstalavańnia. Ukradzienaje zmoŭščyki padzialili pamiž saboj.

«Kradziež byŭ učynieny pa papiaredniaj zmovie. Złačyncy zahadzia abjechali niekalki sielskich nasielenych punktaŭ rajona i vybrali «prydatny mahazin», — adznačyŭ Bury.

Padčas rasśledavańnia kryminalnaj spravy byli ŭstanoŭleny ŭsie piaciora złačyncaŭ.

21 sakavika 2012 hoda sud Pinskaha rajona i horady Pinska pryznaŭ ich vinavatymi pavodle č. 4 art. 205 Kryminalnaha kodeksa (kradziež hrupaj asob u asabliva bujnym pamiery). 36-hadovy niepracujučy žychar Łuninieckaha rajona, raniej sudzimy za zamach na kradziež, pryhavorany da 3 hadoŭ 7 miesiacaŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu.

35-hadovy hruzčyk adnaho z pryvatnych pradpryjemstvaŭ (taksama žychar Łuninieckaha rajona), 42-hadovaja malar i 53-hadovy vartaŭnik (abodva sa Słucka), a taksama 20-hadovy žychar Łuninca, navučeniec adnaho ź pinskich kaledžaŭ, pryhavoranyja sudom da troch hadoŭ pazbaŭleńnia voli kožny z adterminoŭkaj vykanańnia pakarańnia (trom pieršym — na try hady, navučencu kaledža — na dva hady).

Pavodle pryhavoru suda va ŭsich pieciarych kanfiskavana majomaść.

Pry vyniasieńni pryhavoru sud uličyŭ, što jany da razhladu spravy pakryli Pinskamu rajspažyŭtavarystvu, jakomu naležyć mahazin, naniesieny ŭron u poŭnym abjomie.

22 maja sudovaja kalehija pa kryminalnych spravach Bresckaha abłasnoha suda pakinuła pryhavor pieršaj instancyi bieź źmianieńnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?