Pieršym uładalnikam pucioŭki ŭ finał Kubka Stenli staŭ «Łos-Andželes», jaki zaniaŭ 8-je miesca ŭ Zachodniaj kanfierencyi, ale jakomu chapiła ŭsiaho piaci pajadynkaŭ, kab vybić z baraćby «Finiks».

Minułaj nočču «Łos-Andželes Kinhz» atrymaŭ čaćviortuju pieramohu ŭ piaci matčach sieryi z treciaj kamandaj Zachadu. Vyjšaŭšy ŭ finał Kubka Stenli, kłub damohsia lepšaha vyniku z siezona-1992/93, kali kiravanyja lehiendarnym Uejnam Hrecki «Kinhz» taksama dabralisia da vyrašalnaj stadyi Kubka Stenli, dzie sastupili tolki «Manrealu» (vynik sieryi — 1:4).

Supiernikam «Łos-Andželesa» ŭ finale Kubka Stenli stanie pieramožca vyrašalnaj sieryi Uschodniaj kanfierencyi «Ńju-Jork Rejndžers» — «Ńju-Džersi Deviłz», tut u sieryi ničyja 2:2.

Nastupnyja pajadynki ŭschodniaj sieryi zapłanavanyja na 23 maja (u Ńju-Jorku), 25 maja (u Ńjuarku) i, kali spatrebicca, na 27 maja (u Ńju-Jorku).

Finał Kubka Stenli startuje 30 maja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?