Nijakich pahraničnych mierapryjemstvaŭ, jakija b praduhledžvali ŭviadzieńnie pašpartnaha kantrolu na miažy z Rasijaj, nie pravodziłasia. Pašpartny kantrol nie ŭvodziŭsia.
Pra heta zajaviŭ BiełaPAN pres-sakratar Dziaržaŭnaha pahraničnaha kamiteta Biełarusi Alaksandr Ciščanka, kamientujučy infarmacyju pra takija miery, što źjaviłasia viečaram 22 maja.

Nahadajem, niejkija śviedki, jakija pierasiakali ŭ hety dzień miažu pamiž Biełaruśsiu i Rasijaj, raskazvali ŭ internecie ab pavalnym pašpartnym kantroli, pierakryćci daroh šłahbaumami. Pry hetym nie paviedamlałasia, chto pravodziŭ hety kantrol — milicyja ci pamiežniki i na jakim baku — biełaruskim ci rasijskim.

Pavodle słoŭ Alaksandra Ciščanki, ludzi, jakich na miažy mahła zakranuć pravierka dakumientaŭ, chutčej za ŭsio, sutyknulisia z apieracyjaj «Pierachop».
Takija mierapryjemstvy pravodziacca dla vyšuku, naprykład, vinavatych u DTZ, jakija ŭciakli ź miesca zdareńnia, dla vyšuku asob, jakija ŭčynili złačynstvy.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?