Upraŭleńniem Śledčaha kamiteta pa Minsku raspačata bolš čym 15 kryminalnych spraŭ u dačynieńni da 58-hadovaha piedafiła.

Jak paviedamiŭ aficyjny pradstaŭnik USK Alaksandr Hierasimaŭ, mužčynu pradjaŭleny abvinavačańni pa č.č. 2 i 3 art. 167 KK (hvałtoŭnyja dziejańni sieksualnaha charaktaru), č. 1 art. 169 KK (raspusnyja dziejańni), č. 2 art. 170 KK (prymušeńnie da dziejańniaŭ sieksualnaha charaktaru).

Kali piedafił byŭ zatrymany i źniavoleny pad vartu, nie paviedamlajecca.

Śledstvam ustanoŭlena, što mužčyna ŭ 2010–2011 hadach učyniaŭ hvałtoŭnyja dziejańni sieksualnaha charaktaru, raspusnyja dziejańni i prymušaŭ da piederastyi niepaŭnaletnich. Supraćpraŭnyja dziejańni ŭ dačynieńni da chłopčykaŭ 13–15 hadoŭ abvinavačvany ŭčyniaŭ u asnoŭnym u svajoj kvatery, u jakoj taksama znojdziena litaratura parnahrafičnaha charaktaru.

Uličvajučy toje, što dziejańni abvinavačvanaha kvalifikavanyja jak asabliva ciažkija i ciažkija, u dačynieńni da jaho abrana miera strymańnia ŭ vyhladzie źniavoleńnia pad vartu. U śledčych jość padstavy mierkavać, što kolkaść raspačatych kryminalnych spraŭ, jak i kolkaść paciarpiełych padletkaŭ, pakul nie kančatkovaja. Abvinavačvany ŭžo pryciahvaŭsia da kryminalnaj adkaznaści za anałahičnyja złačynstvy. Viadziecca śledstva.

Nahadajem, 21 maja paviedamlałasia, što 23-hadovamu raniej nie sudzimamu minčaninu, piedahohu-psichołahu adnoj sa staličnych škoł pradjaŭlena abvinavačańnie va ŭčynieńni złačynstva, praduhledžanaha art. 168 KK (pałavyja znosiny i inšyja dziejańni sieksualnaha charaktaru z asobaj, jakaja nie dasiahnuła 16-hadovaha ŭzrostu). Kryminalnaja sprava ŭ dačynieńni da zatrymanaha i źniavolenaha pad vartu maładoha čałavieka raspačata i rasśledujecca hałoŭnym śledčym upraŭleńniem Śledčaha kamiteta Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?